నాటీ అందాల‌తో `పంజా` విసిరిన బ్యూటీ

ప‌వ‌ర్ స్టార్ ప‌వ‌న్ క‌ల్యాణ్ హీరోయిన్ సారా జేన్ డ‌యాస్ గుర్తుందా?.. `పంజా` చిత్రం ద్వారా తెలుగు ప్రేక్ష‌కుల‌కు ప‌రిచ‌య‌మైన సారా జేన్ ఆ సినిమా ఫ్లాప్ తో తెలుగులో నిరాశ ను ఎదుర్కొంద‌నే చెప్పాలి. ఆశించినంత గ్లామ‌ర్ గా క‌నిపించ‌ని ఈ హీరోయిన్ ని ప‌వ‌న్ స‌ర‌స‌న‌ చూసిన అభిమానులు కొంత నిరాశ‌ను వ్య‌క్త ప‌రిచిన విష‌యం తెలిసిందే. అటుపై సారా జేన్ రూట్ మార్చింది.

త‌మిళ చిత్రం `తీర‌దాన విల‌యాట్టు పిళ్లై` తో హీరోయిన్ గా కెరీర్ మొద‌లుపెట్టింది. విశాల్ హీరోగా న‌టించిన ఈ చిత్రం తెలుగులో `ఖిలాడీ` పేరుతో విడుద‌లై అడ్రస్ లేకుండా పోయింది. ఇలా తెలుగు.. త‌మిళ భాష‌ల్లో చేసిన రెండు చిత్రాలు బ్యాక్ టు బ్యాక్ ఫ్లాప్ కావ‌డంతో త‌న మ‌కాంని బాలీవుడ్ కు మార్చేసింది. అభిషేక్ బ‌చ్చ‌న్ న‌టించిన `గేమ్‌`తో బాలీవుడ్ లో త‌న గేమ్ ని మొద‌లుపెట్టిన సారా 2017లో వ‌చ్చిన `వైస్రాయ్స్ హౌస్` త‌రువాత సినిమాల్లో క‌నిపించ‌కుండా పోయింది.

`ఇన్ సైడ్ ఎడ్జ్‌` వెబ్ సిరీస్ తో డిజిట‌ల్ వ‌ర‌ల్డ్ లోకి ఎంట్రీ ఇచ్చింది. ఈ ఏడాది సైఫ్ అలీఖాన్ తో క‌లిసి చేసిన `తాండ‌వ్‌` సారాకు మంచి పేరుని తెచ్చిపెట్టింది. ప్ర‌స్తుతం చేతిలో వెబ్ సిరీస్ ల‌తో పాటు సినిమాలు లేని సారా వెకేష‌న్ ని మాల్దీవ్స్ లో ఎంజాయ్ చేస్తోంది. టూ పీస్ బికినీలో అందాలు విందు చేస్తూ సారా నెటిజ‌న్ ల‌తో పంచుకున్న ఫొటోలు ఆమె అభిమానుల‌కు అందాల `పంజా` విసురుతున్నాయి.