సంక్రాంతికి సరైనోడి ఫస్ట్ లుక్

సాధారణంగా అల్లు అర్జున్ సినిమాలంటే బోలెడంత హంగామా ఉంటుంది. వరుసగా అప్ డేట్స్ వినిపిస్తూ ఉంటాయి. ఎవరూ చెప్పకపోతే.. తనే అప్పుడప్పుడూ ఓ మాట చొప్పున చెబ్తూ ఉంటాడు బన్నీ. కానీ ప్రస్తుతం బోయపాటి శ్రీను డైరెక్షన్ అల్లువారబ్బాయి నటిస్తున్న చిత్రానికి మాత్రం.. ఎలాంటి అప్ డేట్స్ ను లీక్ చేయడం లేదు. కాస్టింగ్ - రోల్స్ తప్ప.. ఇప్పటివరకూ షూటింగ్ ప్రోగ్రెస్ ని కూడా చెప్పకుండా మెయింటెయిన్ చేస్తున్నారు. ఇంత సీక్రెట్ గా అప్ డేట్స్ లేకుండా జరిగిపోతుండడంతో.. బన్నీ ఫ్యాన్స్ కాస్త కన్ ఫ్యూజన్ లో ఉన్నారు.

ఇలాంటి వాటికి చెక్ చెబ్తూ.. ఓ అప్ డేట్ వచ్చిందిపుడు. అదే.. సరైనోడి ఫస్ట్ లుక్ గురించి. ఈ చిత్రానికి సంబంధించిన ఫస్ట్ లుక్ ని.. సంక్రాంతి పండుగ సందర్భంగా రిలీజ్ చేయాలని నిర్ణయించారట. సరైనోడు టైటిల్ అని అంటున్నా... ఇంకా ఫిక్స్ చేయలేదంటూ ఓ కన్ ఫ్యూజన్ మిగిల్చారు మేకర్స్. ఇప్పుడు టైటిల్ విషయంలో కూడా ఆ రోజన క్లారిటీ ఇచ్చేస్తారని తెలుస్తోంది. బోయపాటి శ్రీను తొలిసారిగా రొమాంటిక్ యాంగిల్ ని ఫుల్ ప్లెడ్జెడ్ డైరెక్ట్ చేస్తున్నాడు. మరో వైపు ఈ చిత్రంలో యాక్షన్ కూడా ఏమాత్రం కొదువ లేదని తెలుస్తోంది. ఎందుకంటే.. ఇప్పటివరకూ బన్నీ కెరీర్ లోనే అత్యంత భారీగా ఇంటర్వెల్ బ్యాంగ్ ని హైదరాబాద్ పరిసరాల్లో చిత్రీకరించారు. ఆ తర్వాత.. దాదాపు హైద్రాబాద్ చుట్టుపక్కలే సరైనోడి షూటింగ్ జరుగుతోంది.

రకుల్ ప్రీత్ సింగ్ లీడ్ హీరోయిన్ గా, కేథరిన్ థెరిసా మరో హీరోయిన్ నటిస్తున్న ఈ చిత్రానికి.. ఎస్ ఎస్ థమన్ స్వరాలు సమకూర్చుతున్నాడు. అల్లు అర్జున్ హోం బ్యానర్ అయిన గీతాఆర్ట్స్ పై తండ్రి అల్లు అరవింద్ స్వయంగా ఈ చిత్రాన్ని నిర్మిస్తున్నారు. ఈ మూవీలో అల్లు అర్జున్ చాలా పవర్ ఫుల్ పాత్రను పోషిస్తున్నాడని, ఇలాంటి రోల్ ని బన్నీ కెరీర్ లో ఇప్పటివరకూ చూడలేదని, ఈ మెగా హీరోని ఎవరూ చూపించని యాంగిల్ లో బోయపాటి చూపిస్తున్నాడని టాక్.