Begin typing your search above and press return to search.
'సర్దార్ 2' అనౌన్స్మెంట్.. 3 క్రేజీ సీక్వెల్స్ లో కార్తీ..!
By: Tupaki Desk | 26 Oct 2022 6:31 AM GMT
తెలుగులో మంచి మార్కెట్ ఉన్న తమిళ హీరోలలో కార్తీ ఒకరు. తాను నటించే ప్రతీ చిత్రాన్ని డబ్బింగ్ చేసి రిలీజ్ చేస్తూ.. తెలుగు ఆడియన్స్ కు బాగా దగ్గరయ్యాడు. 'యుగానికొక్కడు' 'ఆవారా' 'నా పేరు శివ' 'ఖాకీ' 'ఖైదీ' 'సుల్తాన్' వంటి సినిమాలతో అలరించిన కార్తీ.. 'ఊపిరి' వంటి స్ట్రెయిట్ తెలుగు సినిమా చేసి సక్సెస్ అందుకున్నాడు. ఇప్పుడు 'సర్దార్' చిత్రంతో మరో సూపర్ హిట్ ని తన ఖాతాలో వేసుకున్నారు.
దీపావళి సందర్భంగా విడుదలైన 'సర్దార్' సినిమా అటు తమిళంలోనూ, ఇటు తెలుగులోనూ మంచి వసూళ్లను రాబడుతోంది. పి.ఎస్. మిత్రన్ దర్శకత్వంలో తెరకెక్కిన ఈ చిత్రాన్ని తెలుగులో అన్నపూర్ణ స్టూడియోస్ బ్యానర్ లో అక్కినేని నాగార్జున రిలీజ్ చేసారు. ఈ సినిమా విజయం అందించిన ఉత్సాహంతో దీనికి సీక్వెల్ చేయడానికి కార్తీ అండ్ టీమ్ రెడీ అవుతోంది. చెన్నైలో మంగళవారం జరిగిన సక్సెస్ మీట్ లో 'సర్దార్ 2' చిత్రాన్ని అధికారికంగా ప్రకటించారు.
'ఒక్కసారి గూఢచారి అయితే.. ఎల్లప్పుడూ గూఢచారే' అనే ట్యాగ్ లైన్ తో 'సర్దార్ 2' కు సంబంధించిన అనౌన్స్ మెంట్ వీడియోని మేకర్స్ ఆవిష్కరించారు. ఇందులో విజయ్ ప్రకాష్ (కార్తీ) పోలీసు ఫోర్స్ నుండి తొలగించగా.. అతన్ని RAW ఏజెన్సీలో స్పై ఏజెంట్‌ గా చేరమని ఆఫర్ చేస్తారు. దీనికి అతను అంగీకారం తెలపడంతో కంబోడియాలో మొదటి మిషన్ కోసం రెడీగా ఉండమని అధికారి ఆదేశిస్తారు.
పి.ఎస్. మిత్రన్ దర్శకత్వంలో 'సర్దార్' చిత్రాన్ని నిర్మించిన ప్రిన్స్ పిక్చర్స్ ఎస్ లక్ష్మణ్ కుమార్ ఈ సీక్వెల్ ని కూడా రూపొందించనున్నారు. మొదటి భాగంలో భాగమైన నటీనటులు సాంకేతిక నిపుణుల బృందం ఈ సీక్వెల్ కోసం వర్క్ చేయనున్నారు. వచ్చే ఏడాది చివర్లో ఈ సినిమా సెట్స్ మీదకు వెళ్లే అవకాశం ఉంది. 'సర్దార్ 2' ప్రకటనతో కార్తీ చేతిలోకి మూడు క్రేజీ సీక్వెల్స్ వచ్చి చేరినట్లయింది.
కార్తీ మరియు డైరెక్టర్ లోకేష్ కనగరాజ్ కాంబినేషన్ లో వచ్చిన బ్లాక్ బస్టర్ 'ఖైదీ' చిత్రానికి సీక్వెల్ గా 'ఖైదీ 2' చేయనున్నట్లు ఇప్పటికే క్లారిటీ వచ్చేసింది. ఇటీవల కార్తీ ఈ ప్రాజెక్ట్ ని 2023 లో స్టార్ట్ చేయనున్నట్లు తెలిపారు. విజయ్ హీరోగా లోకేష్ కనగరాజ్ దర్శకత్వంలో సినిమా పూర్తైన తర్వాత 'ఖైదీ 2' ఉంటుంది. ఇక 'విక్రమ్' సీక్వెల్ లోనూ కార్తీ పాత్ర ఉంటుందని హింట్ ఇచ్చారు. ఈ ప్రాజెక్ట్ కార్యరూపం దాల్చడానికి కాస్త టైం పడుతుంది.
కార్తీ నటిస్తున్న మరో సీక్వెల్ 'పొన్నియిన్ సెల్వన్ 2'. మణిరత్నం దర్శకత్వంలో తెరకెక్కుతున్న ఈ చిత్రంలో కార్తీ తో పాటుగా విక్రమ్ - జయం రవి - ఐశ్వర్యా రాయ్ బచ్చన్ - త్రిష తదితరులు నటిస్తున్నారు. 'పొన్నియిన్ సెల్వన్' మొదటి భాగం బాక్సాఫీస్ వద్ద ఘనవిజయం సాధించిన సంగతి తెలిసిందే. 'PS 2' మెజారిటీ భాగం చిత్రీకరణ ఇప్పటికే కంప్లీట్ అయ్యింది. వచ్చే ఏడాది సమ్మర్ సీజన్ లో ఈ సినిమా విడుదల కానుంది.
ఇలా విలక్షణ నటుడు కార్తీ మూడు సీక్వెల్స్ లో భాగం అవుతున్నాడు. ఇవన్నీ బ్లాక్ బస్టర్స్ గా నిలిచిన సినిమాలు కావడంతో సీక్వెల్స్ పై భారీ అంచనాలు నెలకొన్నాయి. వీటిని తెలుగులోనూ భారీ ఎత్తున విడుదల చేసే అవకాశం ఉంది. మరి ఈ క్రేజీ సీక్వెల్స్ కార్తీ కి ఎలాంటి అనుభవాన్ని మిగులుస్తాయో చూడాలి.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.
దీపావళి సందర్భంగా విడుదలైన 'సర్దార్' సినిమా అటు తమిళంలోనూ, ఇటు తెలుగులోనూ మంచి వసూళ్లను రాబడుతోంది. పి.ఎస్. మిత్రన్ దర్శకత్వంలో తెరకెక్కిన ఈ చిత్రాన్ని తెలుగులో అన్నపూర్ణ స్టూడియోస్ బ్యానర్ లో అక్కినేని నాగార్జున రిలీజ్ చేసారు. ఈ సినిమా విజయం అందించిన ఉత్సాహంతో దీనికి సీక్వెల్ చేయడానికి కార్తీ అండ్ టీమ్ రెడీ అవుతోంది. చెన్నైలో మంగళవారం జరిగిన సక్సెస్ మీట్ లో 'సర్దార్ 2' చిత్రాన్ని అధికారికంగా ప్రకటించారు.
'ఒక్కసారి గూఢచారి అయితే.. ఎల్లప్పుడూ గూఢచారే' అనే ట్యాగ్ లైన్ తో 'సర్దార్ 2' కు సంబంధించిన అనౌన్స్ మెంట్ వీడియోని మేకర్స్ ఆవిష్కరించారు. ఇందులో విజయ్ ప్రకాష్ (కార్తీ) పోలీసు ఫోర్స్ నుండి తొలగించగా.. అతన్ని RAW ఏజెన్సీలో స్పై ఏజెంట్‌ గా చేరమని ఆఫర్ చేస్తారు. దీనికి అతను అంగీకారం తెలపడంతో కంబోడియాలో మొదటి మిషన్ కోసం రెడీగా ఉండమని అధికారి ఆదేశిస్తారు.
పి.ఎస్. మిత్రన్ దర్శకత్వంలో 'సర్దార్' చిత్రాన్ని నిర్మించిన ప్రిన్స్ పిక్చర్స్ ఎస్ లక్ష్మణ్ కుమార్ ఈ సీక్వెల్ ని కూడా రూపొందించనున్నారు. మొదటి భాగంలో భాగమైన నటీనటులు సాంకేతిక నిపుణుల బృందం ఈ సీక్వెల్ కోసం వర్క్ చేయనున్నారు. వచ్చే ఏడాది చివర్లో ఈ సినిమా సెట్స్ మీదకు వెళ్లే అవకాశం ఉంది. 'సర్దార్ 2' ప్రకటనతో కార్తీ చేతిలోకి మూడు క్రేజీ సీక్వెల్స్ వచ్చి చేరినట్లయింది.
కార్తీ మరియు డైరెక్టర్ లోకేష్ కనగరాజ్ కాంబినేషన్ లో వచ్చిన బ్లాక్ బస్టర్ 'ఖైదీ' చిత్రానికి సీక్వెల్ గా 'ఖైదీ 2' చేయనున్నట్లు ఇప్పటికే క్లారిటీ వచ్చేసింది. ఇటీవల కార్తీ ఈ ప్రాజెక్ట్ ని 2023 లో స్టార్ట్ చేయనున్నట్లు తెలిపారు. విజయ్ హీరోగా లోకేష్ కనగరాజ్ దర్శకత్వంలో సినిమా పూర్తైన తర్వాత 'ఖైదీ 2' ఉంటుంది. ఇక 'విక్రమ్' సీక్వెల్ లోనూ కార్తీ పాత్ర ఉంటుందని హింట్ ఇచ్చారు. ఈ ప్రాజెక్ట్ కార్యరూపం దాల్చడానికి కాస్త టైం పడుతుంది.
కార్తీ నటిస్తున్న మరో సీక్వెల్ 'పొన్నియిన్ సెల్వన్ 2'. మణిరత్నం దర్శకత్వంలో తెరకెక్కుతున్న ఈ చిత్రంలో కార్తీ తో పాటుగా విక్రమ్ - జయం రవి - ఐశ్వర్యా రాయ్ బచ్చన్ - త్రిష తదితరులు నటిస్తున్నారు. 'పొన్నియిన్ సెల్వన్' మొదటి భాగం బాక్సాఫీస్ వద్ద ఘనవిజయం సాధించిన సంగతి తెలిసిందే. 'PS 2' మెజారిటీ భాగం చిత్రీకరణ ఇప్పటికే కంప్లీట్ అయ్యింది. వచ్చే ఏడాది సమ్మర్ సీజన్ లో ఈ సినిమా విడుదల కానుంది.
ఇలా విలక్షణ నటుడు కార్తీ మూడు సీక్వెల్స్ లో భాగం అవుతున్నాడు. ఇవన్నీ బ్లాక్ బస్టర్స్ గా నిలిచిన సినిమాలు కావడంతో సీక్వెల్స్ పై భారీ అంచనాలు నెలకొన్నాయి. వీటిని తెలుగులోనూ భారీ ఎత్తున విడుదల చేసే అవకాశం ఉంది. మరి ఈ క్రేజీ సీక్వెల్స్ కార్తీ కి ఎలాంటి అనుభవాన్ని మిగులుస్తాయో చూడాలి.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.
