హిందీ సర్దార్.. ఇరగదీసేస్తున్నాడు

పవర్ స్టార్ పవన్ కళ్యాణ్ మూవీ సర్దార్ గబ్బర్ సింగ్ తెలుగుతో పాటే హిందీలో కూడా రిలీజ్ అవుతోంది. తెలుగు నుంచి డబ్బింగ్ అయిన సినిమాల్లోనే అత్యంత భారీగా సర్దార్ ని హిందీలో విడుదల చేస్తున్నారు. 8వందలకు పైగా థియేటర్లలో హిందీ సర్దార్ సందడి చేయనున్నాడు.

ఇప్పటికే తెలుగు వెర్షన్ తో పాటు హిందీ వెర్షన్ కి కూడా ప్రమోషన్స్ ఊపందుకున్నాయి. ఇంకా చెప్పాలంటే హిందీ, ఇంగ్లీష్ ఛానల్స్ లో సర్దార్ గబ్బర్ సింగ్ ట్రైలర్ ను విపరీతంగా టెలికాస్ట్ చేస్తూ.. ప్రచారం చేస్తున్న తీరు చూస్తుంటే, సర్దార్ సంచలనం సృష్టించడం ఖాయం అనే అనిపిస్తోంది. అసలు ఇలా ప్రమోషన్స్ - అడ్వాన్స్ బుకింగ్స్ కోసమే.. పాటల చిత్రీకరణ కంటే ముందే సెన్సార్ ని కూడా కంప్లీట్ చేసింది సర్దార్ యూనిట్.

ఇప్పటికే సర్దార్ గబ్బర్ సింగ్ కు యూ/ఏ సర్టిఫికేట్ లభించింది. టైటిల్ లో ఛేంజ్ లేదు కాబట్టి, హిందీ వెర్షన్ ని మరోసారి సెన్సార్ చేయించాల్సిన అవసరం లేదని అంటున్నారు. ఏప్రిల్ 8న ప్రపంచవ్యాప్తంగా భారీ ఎత్తున పవన్ మూవీని రిలీజ్ చేయబోతున్నారు. మొత్తం 42 దేశాల్లో సర్దార్ గబ్బర్ సింగ్ ఒకేసారి విడుదల కానుండడం విశేషం.