సర్దార్‌ ఆడియో: జర్మనీలో ఫ్లాష్ మాబ్

పవన్ కళ్యాణ్ అంటే మేనియా - పవన్ అంటే ఓ మతం - పవన్ అంటే ఓ ఇజం.. అందుకే పవనిజం అనే కాన్సెప్ట్ ప్రాణం పోసుకుంది. పవన్ ను అభిమానించడం అంటే అదే స్పెషల్ పర్సనల్ ఫీలింగ్ అని భావించే వాళ్ల సంఖ్య కోట్లలో ఉంటుంది. ఇప్పుడు పవన్ పై అభిమానం దేశాలు దాటిపోయింది. సర్దార్ గబ్బర్ సింగ్ ఆడియో రిలీజ్ వేడుక సందర్భంగా.. అంతర్జాతీయంగా పలు దేశాల్లోని అభిమానులు.. తమ ఆనందాన్ని వ్యక్తం చేస్తూ వీడియోలు ఇంటర్నెట్ లో పెట్టేస్తున్నారు. వీటిలో యూరోప్ లోని జర్మనీలో జరిగిన ఫ్లాష్ మాబ్ ఒకటి.

జర్మనీలోని పలు ప్రాంతాలకు చెందిన పవన్ అభిమానులు ఒకచోటకు చేరి పవన్ కళ్యాణ్ మూవీస్ లోని పాటలకు డ్యాన్సులు చేస్తూ.. రోడ్డుపైనే ఫ్లాష్ మాబ్ చేశారు. పవన్ ని ఇమిటేట్ చేస్తూ.. పవర్ స్టార్ స్టెప్పులను యాజిటీజ్ గా వేస్తూ అలరించారు. తాము పవన్ కళ్యాణ్ అభిమానులని చెబుతూ.. పవన్ డైలాగులను ఆ ఫారినర్స్ చెబుతుంటే భలే చూడముచ్చటగా అనిపించింది.

ముఖ్యంగా కెవ్వుకేక సాంగ్ కయితే వీళ్లందరూ చేసిన డ్యాన్స్ అదిరపోయింది. బెస్టాఫ్ లక్ సర్దార్ గబ్బర్ సింగ్, వి ఆల్ లవ్ పవన్ కళ్యాణ్.. వి ఆల్ ఫ్రం జర్మనీ.. అంటూ ఫినిష్ చేసిన ఈ టీంలో.. ఇండియన్స్ కూడా ఉన్నా.. ఎక్కువ మంది ఫారినర్సే కావడం విశేషం.