టీజర్‌ టాక్‌: సర్దార్‌ ఫైటింగుల్లో రచ్చే

అబ్బే.. పొద్దునే ఆడియో రిలీజ్‌ టీజర్‌ అని చెప్పి.. అందులో కేవలం పవన్‌ కళ్యాణ్‌ విజువల్స్‌ మాత్రమే ఉన్నాయని చెప్పి.. ఇప్పుడేమో ఫైటింగుల్లో రచ్చ అంటారా? ఆగండి మాష్టారూ.. అక్కడే అసలు విషయం ఉంది.

తెలుగు టీజర్‌ తో పాటు ఒకేసారి బాలీవుడ్‌ లో ''సర్దార్ గబ్బర్‌ సింగ్'' టాపు లేపేయాలని ప్లాన్‌ తో.. ఇప్పుడు హిందీ టీజర్‌ ను కూడా రిలీజ్ చేయించాడు పవన్‌. అయితే తెలుగులో ఈయన సూపర్‌ స్టార్‌ కాబట్టి.. కేవలం ఈయన విజువల్స్‌ చూపిస్తే సరిపోతుంది.. మరి బాలీవుడ్‌ లో అవి చెల్లుతాయా? అందుకు పవన్‌ హిందీ టీజర్‌ లో టోటల్‌ గా యాక్షన్‌ ఓరియంటెడ్‌ పందాలో వెళ్లిపోయాడు. నాటు తుపాకీ నుండి డబుల్‌ బ్యారెల్‌ గన్‌.. అక్కడ నుండి సెమీ ఆటోమ్యాటిక్‌ మెషీన్‌ గన్‌.. అబ్బో ఇలా ఒక్కో ఆయుధంతో ఒక్కో షాట్‌.. సదరు టీజర్లో రచ్చ రచ్చ చేసిపాడేశాడు. దేఖో దేఖో గబ్బర్‌ సింగ్‌ అంటూ మనోడ్ని ఇంట్రొడ్యూస్‌ చేస్తూ.. బాలీవుడ్‌ జనాల్లో ఆసక్తి రేపే ప్రయత్నం చేశారు.

ఈ తతంగం అంతా ఈరోస్‌ సంస్థ దగ్గరుండి నడిపిస్తోంది. మీరు కూడా టీజర్‌ చూసి ఎంజాయ్‌ చేయండి మరి.