సర్దార్ టీంకి మొదలైన లీకేజ్ టెన్షన్

పవర్ స్టార్ పవన్ కళ్యాణ్ - డైరెక్టర్ బాబీ కాంబినేషన్ లో సర్దార్ గబ్బర్ సింగ్ తుది మెరుగులకు సిద్ధమవుతోంది. ఇంకా రిలీజ్ డేట్ కు నెల రోజుల టైం మాత్రమే ఉండడంతో.. శరవేగంగా అన్ని పనులు పూర్తి చేసేస్తోంది యూనిట్. సర్దార్ కి సంబంధించి ఇప్పటివరకూ ఒక్క లీక్ కూడా కాకుండా చాలా జాగ్రత్తలు తీసుకున్నారు. కానీ ఇప్పుడు నెట్ లో తిరుగుతున్న ఓ ఫోటో.. మొత్తం యూనిట్ ని టెన్షన్ లోకి తోసేసింది.

సర్దార్ గబ్బర్ సింగ్ కి సంబంధించి ఒకవైపు షూటింగ్ తో పాటు మరోవైపు పోస్ట్ ప్రొడక్షన్ వర్క్స్ కూడా జరుగుతున్నాయి. ఇప్పుడు నెట్ లో హల్ చల్ చేస్తున్న ఫోటో.. ఎడిటింగ్ టేబుల్ పై నుంచీ తీసినదే అనే విషయం అర్ధమవుతోంది. సరిగ్గా ఇక్కడి నుంచే అత్తారింటికి దారేది మూవీ మొత్తం లీక్ అయిపోయింది. ఇప్పుడు సర్దార్ కి కూడా సరిగ్గా ఎడిటింగ్ టేబుల్ నుంచే ఫోటో బయటకు రావడంతో.. పవన్ ఫ్యాన్స్ లో ఏదో జరుగుతోందనే అనుమానాలు పెరిగిపోయాయి.

అయితే.. ఇది కేవలం ఎడిటింగ్ స్క్రీన్ ను మొబైల్ కెమేరానే తీసిన ఫోటోనే కావడంతో కొంచెం రిలీఫ్ గానే ఉన్నా.. ఈ విషయాన్ని తేలిగ్గగా తీసుకోవడం లేదు యూనిట్. అన్నిచోట్లా సెక్యూరిటీ పెంచాలని.. రిలీజ్ వరకూ ఎట్టిపరిస్థితుల్లోనూ మరో ఫోటో కూడా లీక్ కాకూడదని స్ట్రాంగ్ ఆర్డర్స్ ఇచ్చేశాడట పవన్ కళ్యాణ్.