సర్దార్ సినిమాకు కూల్ డ్రింక్ ఆఫర్

ఎంతో ఆసక్తిగా ఎదురుచూస్తున్న సర్దార్ గబ్బర్ సింగ్ సినిమా కోసం పవర్ స్టార్ అభిమానులతో పాటు.. సినీ ప్రేక్షకులు ఆసక్తిగా ఎదురుచూస్తున్నారు. చాలా రోజుల తర్వాత వస్తున్న సర్దార్ గబ్బర్ సింగ్ కు గ్రాండ్ గా వెల్ కం చెప్పాలన్న ఉద్దేశంతో పవర్ స్టార్ అభిమానులు వెయిట్ చేస్తున్న సంగతి తెలిసిందే. ఈ ఉత్సాహం ఫ్యాన్స్ కే కాదు.. పవన్ కల్యాణ్ సొంతూరు పశ్చిమగోదావరి జిల్లా మొగల్తూరులో ఒక రేంజ్ లో ఉంది.

సర్దార్ సినిమాను రిలీజ్ రోజున మొగల్తూరు లోని థియేటర్లలో కూల్ డ్రింక్ ఉచితంగా ఇవ్వాలని నిర్ణయించారు. పవన్ పై తమకున్న అభిమానాన్ని ఆ రకంగా తీర్చుకోవాలని భావిస్తున్నట్లు చెబుతున్నారు. టిక్కెట్టు దొరికితే చాలు అనుకునే అభిమానులకు.. అభిమానంతో కూల్ డ్రింక్ కూడా ఇస్తే వారి ఆనందం ఏ రేంజ్ లో ఉంటుందో ప్రత్యేకించి చెప్పాల్సిన అవసరం ఉండదేమో కదూ..? మరి.. ఈ ఆఫర్ గురించి తెలిసిన తర్వాత మిగిలిన థియేటర్లు పోటాపోటీగా ఆఫర్లు ప్రకటిస్తాయేమో చూడాలి.