స‌రిలేరు రెండ్రోజుల క‌లెక్ష‌న్స్‌

సూప‌ర్ స్టార్ మ‌హేష్ న‌టించిన `సరిలేరు నీకెవ్వరు` తొలి రోజు 32.64 కోట్ల షేర్ వ‌సూలు చేయ‌గా.. ఇక రెండో రోజు అల వైకుంఠ‌పురం పోటీని త‌ట్టుకుని సుమారు రూ.9.5 కోట్ల షేర్ సాధించింద‌ని తెలుస్తోంది. రెండు రోజుల్లో రూ.42 కోట్ల షేర్ మార్క్ క్రాస్ చేసింది. ఇక ఈ సినిమాకు రు.101 కోట్ల మేర ప్రీరిలీజ్ బిజినెస్ జ‌రిగింది. ఆ మేర‌కు షేర్ వ‌సూళ్ల‌ను సాధించాల్సి ఉంద‌ని తెలుస్తోంది.

ఈ సంక్రాంతి సీజ‌న్ లో వ‌రుస‌గా సెల‌వులు సినిమాల‌న్నిటికీ క‌లిసి రానున్నాయ‌ని తాజా సన్నివేశం చెబుతోంది. సరిలేరు నీకెవ్వరు చిత్రానికి ఆరంభం మిక్స్ డ్ టాక్ వినిపించినా ఓపెనింగుల ప‌రంగా ఫ‌ర్వాలేద‌నిపించింది. ఆంధ్ర - తెలంగాణలో రెండ్రోజుల బాక్సాఫీస్ కలెక్షన్స్ ప‌రిశీలిస్తే...నైజాం - 12.70 కోట్లు.. సీడెడ్ - 5.44 కోట్లు.. గుంటూరు - 5.7 కోట్లు.. ఉత్తరాంధ్ర - 5.56 కోట్లు.. ఈస్ట్ - 4.04 కోట్లు.. వెస్ట్ - 3.18 కోట్లు.. కృష్ణా - 3.90 కోట్లు.. నెల్లూరు - 1.58 కోట్లు.. వ‌సూలైంది. రెండు రోజుల్లో ఏపీ - తెలంగాణ నుంచి 42.1 కోట్లు వ‌సూలైంద‌ని తెలుస్తోంది.

అమెరికా మార్కెట్ నుంచి ఇప్ప‌టికే వ‌న్ మిలియ‌న్ డాల‌ర్ క్ల‌బ్ రిపోర్ట్ అందింది. భోగి-సంక్రాంతి- క‌నుమ సెల‌వుల్ని క‌లుపుకుంటే ఈ సినిమా వ‌సూళ్ల‌కు డోఖా ఉండ‌ద‌ని అంచ‌నా వేస్తున్నారు. ఇక స‌రిలేరు చిత్రానికి ధీటుగానే బ‌న్ని -త్రివిక్ర‌మ్ కాంబినేష‌న్ మూవీ అల వైకుంఠ‌పుర‌ములో ఓపెనింగులు సాధిస్తుండ‌డం విశేషం. స‌రిలేరు కంటే ఓవ‌ర్సీస్ లో ఓ మెట్టు పైనే ఉందని అల చిత్రానికి కాంప్లిమెంట్లు అంద‌డం కొస‌మెరుపు.