అఫీషియల్: మహేష్ కు సరిలేరెవ్వరు

సూపర్ స్టార్ మహేష్ బాబు ఫ్యాన్స్ ఎప్పుడెప్పుడా అని ఎదురు చూస్తున్న తన 26వ సినిమా తాలూకు అప్ డేట్ వచ్చేసింది. అందరూ ఊహించినట్టుగానే టైటిల్ సరిలేరు నీకెవ్వరు నే ఫిక్స్ చేశారు. కాకపోతే ఇందులో కొన్ని సర్ప్రైజెస్ ఉన్నాయి. ముఖ్యంగా టైటిల్ డిజైన్ చివర్లో సైనికుడి తుపాకీతో పాటు పైన హెడ్ గార్డ్ ని పెట్టడం వల్ల ఇందులో మిలిటరీ బ్యాక్ డ్రాప్ ఉందన్న క్లూ దొరికేసింది.

ప్రచారంలో ఉన్నట్టు మహేష్ ఇందులో పోలీస్ గా కాకుండా సైనికాధికారిగా నటించే ఛాన్స్ ఉందన్న మాట. సరిలేరు ఫాంట్ లో అగ్ని జ్వాలలు టైపు లో టచ్ ఇవ్వడం చూస్తే సీమ ఫ్యాక్షనిజం ని కూడా పొందుపరిచినట్టు కనిపిస్తోంది. సో మొత్తానికి ప్రిన్స్ ఇందులో రెండు షేడ్స్ ఉన్న పాత్రల్లో కనిపించవచ్చనే టాక్ కు బలం చేకూరింది

ఇంకో విశేషం చూస్తే ప్రచారం జరిగినట్టు దిల్ రాజు ఇందులో తప్పుకోలేదు. నిర్మాతగా ఆయన పేరు ఉంది. అందులో పెద్ద ట్విస్ట్ లేదు కాని భాగస్వామిగా మహేష్ బాబు తన బ్యానర్ ను కూడా చేర్చేశాడు. జి మహేష్ బాబు ఎంటర్టైన్మెంట్ మూడో నిర్మాతగా వ్యవహరించబోతోంది. అంటే మహర్షి తరహాలో దీనికీ ముగ్గురు నిర్మాతలన్న మాట.

దేవిశ్రీప్రసాద్ సంగీతం సమకూరుస్తున్న సరిలేరు నీకెవ్వరు సంక్రాంతి 2020కి అధికారికంగా బెర్త్ కన్ఫర్మ్ చేసుకుంది. చాలా సినిమాలు క్యులో ఉన్నప్పటికీ ఫస్ట్ అఫీషియల్ ప్రకటన మాత్రం దీనిదే. కృష్ణ గారి 75వ పుట్టిన రోజు సందర్భంగా అభిమానులకు ఫైనల్ గా సూపర్ గిఫ్ట్ ఇచ్చేశారు