ఎక్స్ క్లూజివ్: మహేష్ 26 రేపటి నుంచే!

మహర్షి బ్లాక్ బస్టర్ సక్సెస్ ని మహేష్ బాబే కాదు అభిమానులు ఎంజాయ్ చేయడం కూడా పూర్తయ్యింది. హాఫ్ సెంచరీ కొట్టడంతో పాటు అమెజాన్ ప్రైమ్ ద్వారా చిన్ని తెరపై వచ్చేసింది కాబట్టి ఇక్కడితో రన్ ముగిసినట్టే. ఇదిలా ఉండగా అనిల్ రావిపూడి దర్శకత్వంలో రూపొందబోయే సరిలేరు నీకెవ్వరు రెగ్యులర్ షూటింగ్ రేపటి నుంచి కాశ్మీర్ లో ప్రారంభమవుతున్నట్టు ఫిలిం నగర్ వర్గాల సమాచారం.

హీరో మహేష్ తో పాటు రాజేంద్ర ప్రసాద్ మరికొందరు కీలక తారాగణం పాల్గొనే సన్నివేశాలు ఇందులో చిత్రీకరించబోతున్నారు. హీరోయిన్ రష్మిక మందన్న ఈ షెడ్యూల్ లో ఉండకపోవచ్చని వినికిడి. ఆర్మీ ఆఫీసర్ గా నటిస్తున్న మహేష్ తో కొన్ని కీలక సన్నివేశాలతో పాటు సోలో సాంగ్ షూట్ చేసే ఆకాశం ఉన్నట్టు తెలుస్తోంది. కాశ్మీర్ షెడ్యూల్ చాలా రోజుల క్రితమే ప్లాన్ చేసింది

మూడు రోజుల క్రితం విజయనిర్మల గారు కాలం చేయడంతో ఈ సమయంలో కృష్ణ గారి పక్కన మహేష్ ఉండాల్సిన అవసరం ఉన్నప్పటికీ కాశ్మీర్ షెడ్యూల్ కు సంబంధించి మొత్తం ప్రీ ప్లానింగ్ ఇంతకు ముందే జరగడంతో వాయిదా ఛాన్స్ లేకపోయిందని తెలిసింది. వచ్చే సంక్రాంతికి ప్లాన్ చేసుకున్న సరిలేరు నీకెవ్వరు షూటింగ్ ఆరు నెలల లోపే పూర్తి చేయాల్సి ఉంటుంది. పాటల చిత్రీకరణతో పాటు టాకీ పార్ట్ మొత్తం ఇక్కడే ఫినిష్ చేసే ఛాన్స్ ఉంది. ఓ రెండు సాంగ్స్ మాత్రం ఫారిన్ లొకేషన్స్ లో ఉండొచ్చట. టైటిల్ ఇప్పటికే ఆసక్తి రేపగా ఇప్పుడీ కొత్త అప్ డేట్ ప్రిన్స్ ఫాన్స్ లో జోష్ నింపనుంది