తదుపరి షెడ్యూల్ కోసం సర్కారు టీమ్ సిద్ధమైందా..??

దేశంలో కరోనా మహమ్మారి ప్రభావం తగ్గుముఖం పట్టడంతో సినిమా ఇండస్ట్రీలో మళ్లీ పూర్వకళ మొదలు కాబోతుందని చెప్పవచ్చు. ఎందుకంటే ఇంతకాలం కరోనా కారణంగా షూటింగ్స్ ఆగిపోయి సినిమాలన్ని నిలిచిపోయాయి. కానీ ప్రస్తుతం లాక్డౌన్ ఎత్తివేయడంతో స్టార్స్ నుండి అప్ కమింగ్ హీరోల వరకు అందరూ షూటింగ్స్ ప్రారంభం చేసేసారు. ఈ విధంగా త్వరలోనే సూపర్ స్టార్ మహేష్ బాబు కూడా 'సర్కారు వారి పాట' షూటింగ్ లో పాల్గొనబోతున్నట్లు తెలుస్తుంది. ఆల్రెడీ సర్కారు వారి పాట చిత్రం వచ్చే ఏడాది సంక్రాంతి సమయంలో విడుదల చేయనున్నట్లు మేకర్స్ ప్రకటించిన విషయం తెలిసిందే.

కానీ ఇంతలోనే సర్కారు చిత్రం వచ్చే సంక్రాంతి కాకుండా ఈ ఏడాది దసరా సమయంలో లేదా క్రిస్మస్ సమయంలో రిలీజ్ చేయాలనీ ప్లాన్ లో మార్పులు చేయనున్నట్లు రూమర్స్ బలంగా వినిపిస్తున్నాయి. ఎందుకంటే వచ్చే ఏడాది మహేష్ కొత్త చిత్రం ప్రారంభం కాబోతుంది. అగ్రదర్శకుడు త్రివిక్రమ్ తో మహేష్ తదుపరి మూవీ లైనప్ చేసుకున్నాడు. అందుకే వీలైనంత త్వరగా సర్కారు వారి పాట మూవీ పూర్తి చేసేయాలని అనుకుంటున్నట్లు తెలుస్తుంది. కానీ ఇప్పటివరకు సర్కారు వారి షూటింగ్ ఒకే షెడ్యూల్ జరుపుకుంది. సెకండ్ షెడ్యూల్ టైంలోనే సెకండ్ వేవ్ వచ్చి షూటింగ్ నిలిచిపోయింది.

మళ్లీ ఇటీవలే సర్కారు వారి పాట షూటింగ్ జులైలో ప్రారంభం కాబోతున్నట్లు టాక్ వైరల్ అయింది. అయితే మేకర్స్ కూడా ఇటీవల స్పందించి.. త్వరలోనే అప్డేట్స్ అందిస్తాం అని ట్వీట్ చేసి చెప్పడంతో ఫ్యాన్స్ ఖుషీ అయ్యారు. అయితే జులైలోనే సర్కారు వారి షూటింగ్ హైదరాబాద్ లోనే సెకండ్ షెడ్యూల్ ప్రారంభం కాబోతుందని ఇండస్ట్రీ వర్గాలు చెబుతున్నాయి. కానీ ఇంతవరకు ఎలాంటి అప్డేట్ లేకపోవడంతో ఫ్యాన్స్ మళ్లీ అప్డేట్స్ కోసం వెయిట్ చేస్తున్నారు. ఈ సినిమాకు పరశురామ్ దర్శకత్వం వహిస్తుండగా.. కీర్తిసురేష్ హీరోయిన్ గా నటిస్తోంది. తమన్ నాలుగోసారి మహేష్ సినిమాకు సంగీతం అందిస్తున్నాడు. తదుపరి త్రివిక్రమ్ సినిమాకు కూడా తమనే కావడం విశేషం. మైత్రి మూవీస్ - 14ప్లస్ ఎంటర్టైన్మెంట్స్ - జిఎంబి బ్యానర్స్ సంయుక్తంగా నిర్మిస్తున్నాయి.