విజయ్ కెరీర్లో సెకండ్ హయ్యెస్ట్ బిజినెస్

తమిళ స్టార్ హీరో విజయ్ - ఎఆర్ మురుగదాస్ కాంబినేషన్ లో తెరకెక్కిన 'సర్కార్' నవంబర్ 6 న రిలీజ్ కానుంది. ఈ సినిమాకు తెలుగులో ప్రీరిలీజ్ బిజినెస్ బాగానే జరిగిందని సమాచారం. రెండు తెలుగు రాష్ట్రాలకు గాను థియేట్రికల్ రైట్స్ ను వల్లభనేని అశోక్ రూ.6 కోట్లకు తీసుకున్నాడట.

ఇది విజయ్ కెరీర్లో తెలుగు వెర్షన్ కు సెకండ్ హయ్యెస్ట్ బిజినెస్ కావడం విశషం. గతంలో శంకర్ - విజయ్ కాంబినేషన్ లో తెరకెక్కిన 'స్నేహితుడు' సినిమా తెలుగు రైట్స్ రూ.7 కోట్లకు అమ్ముడయ్యాయి. ఇదిలా ఉంటే 'సర్కార్' తెలుగు రైట్స్ తీసుకున్న అశోక్ కు ఏరియా వైజ్ మంచి ఆఫర్స్ వస్తున్నాయట. నైజామ్ ఏరియాకు రూ. 2 కోట్ల అడ్వాన్సు బేసిస్ మీద ఇవ్వడం జరిగింది. ఇక సీడెడ్ ఏరియా కూడా రూ. 2 కోట్ల కు క్లోజ్ అయింది. కానీ ఇందులో తమిళ్ వెర్షన్ కూడా కలిసి ఉంది.

ఇక ఉత్తరాంధ్ర 81 లక్షలు.. గుంటూరు 81 లక్షలు.. ఈస్ట్ గోదావరి 72 లక్షలు.. వెస్ట్ గోదావరి 54 లక్షలు చొప్పున నాన్ రిటర్నబుల్ అడ్వాన్సు లెక్కన డీల్స్ క్లోజ్ అయ్యాయట. ఈ జోరు చూస్తుంటే మిగతా ఏరియాల్లో కూడా త్వరలో మంచి రేటు పలకడం ఖాయమేనని అనిపిస్తోంది.