'స‌ర్కారు వారి పాట' నుంచి బిగ్ అప్‌డేట్‌?

నూత‌న సంవ‌త్స‌ర సంబ‌రాల్లో భాగంగా స్టార్స్ త‌మ సినిమాకు సంబంధించిన లేటెస్ట్ అప్ డేట్స్ ని అభిమానుల‌కు అందిస్తుండ‌టం తెలిసిందే. ఈ ఏడాది కూడా ప్ర‌తీ హీరో త‌న కొత్త చిత్రానికి సంబంధించిన అప్ డేట్ ని త‌న అభిమానుల‌కు అందించాల‌ని ప్ర‌య‌త్నాలు చేస్తున్నారు. ఇందులో భాగంగా ఇప్ప‌టికే మెగాస్టార్ చిరంజీవి త‌ను న‌టిస్తున్న లేటెస్ట్ మూవీ `భోళా శంక‌ర్` నుంచి ఓ అదిరిపోయే లుక్ కి సంబంధించిన స్టిల్ ని రిలీజ్ చేసి ఫ్యాన్స్ కి ట్రీట్ ఇచ్చారు.

ఇదే త‌ర‌హాలో సూప‌ర్ స్టార్ మ‌హేష్ బాబు త‌న ఫ్యాన్స్ కోసం ఓ సూప‌ర్ అప్ డేట్ ని అందించ‌బోతున్నార‌ట‌. మ‌హేష్ న‌టిస్తున్న తాజా చిత్రం `స‌ర్కారు వారి పాట‌`. మైత్రీ మూవీ మేక‌ర్స్‌, 14 రీల్స్ ప్ల‌స్‌, జీఎంబీ ఎంట‌ర్‌టైన్‌మెంట్స్ బ్యాన‌ర్ ల‌పై అత్యంత భారీ స్థాయిలో ఈ చిత్రాన్ని నిర్మిస్తున్నారు. యంగ్ డైరెక్ట‌ర్ ప‌ర‌శురామ్ పెట్లు ద‌ర్శ‌క‌త్వం వ‌హిస్తున్న ఈ మూవీ చిత్రీక‌ర‌ణ ఇటీవ‌ల చివ‌రి ద‌శ‌కు చేరుకుని మ‌హేష్ మోకాలి ఆప‌రేష‌న్ కార‌ణంగా ఆగిపోయిన విష‌యం తెలిసిందే.

ప్ర‌స్తుతం శ‌స్త్ర చికిత్స అనంత‌రం మ‌హేష్ ఫ్యామిలీతో క‌లిసి దుబాయ్‌లో న్యూ ఇయ‌ర్ సెల‌బ్రేష‌న్స్ చేసుకుంటూ విశ్రాంతి తీసుకుంటున్నారు. త్వ‌ర‌లోనే హైద‌రాబాద్ తిరిగి రానున్నారు. కీర్తి సురేష్ హీరోయిన్ గా న‌టిస్తున్న ఈ మూవీకి సంబంధించిన బిగ్ అనౌన్స్‌మెంట్ ని మేక‌ర్స్ ఈ రోజు చేయ‌బోతున్న‌ట్టుగా తెలుస్తోంది. ఈ మూవీకి సంబంధించిన ఫ‌స్ట్ సింగిల్ కి సంబంధించిన డేట్ ని ప్ర‌క‌టించే అవ‌కాశం వుందని తెలుస్తోంది.

ఫ‌స్ట్ సింగిల్ ని ఈ సంక్రాంతికి రిలీజ్ చేయాల‌ని మేక‌ర్స్ ప్లాన్ చేస్తున్న‌ట్టుగా తెలుస్తోంది. ఇందుకు సంబంధించిన అఫీషియ‌ల్ అనౌన్స్‌మెంట్ కి సంబంధించిన పోస్ట‌ర్ ని మేక‌ర్స్ ఈ రోజు విడుద‌ల చేసే అవ‌కాశం వున్న‌ట్టుగా వార్త‌లు వినిపిస్తున్నాయి. అంతే కాకుండా ఇదే నెల సంక్రాంతి కి ఈ సినిమా ప్ర‌మోష‌న్స్ కి సంబంధించిన మ‌రింత స‌మాచారం బ‌య‌టికి రానున్న‌ట్టుగా తెలిసింది.

ఇటీవ‌ల విడుద‌ల చేసిన ఫ‌స్ట్ గ్లింప్స్ సినిమా పై అంచ‌నాల్ని పెంచేసింది. ఓ వైట్ కాల‌ర నేర‌గాడి కోసం హీరో సాగించే అన్వేష‌ణ నేప‌థ్యంలో ఈ మూవీ సాగుతుంద‌ని ఇప్ప‌టికే ప్ర‌చారం జ‌రుగుతున్న విష‌యం తెలిసిందే.