సర్కారు వారి పాట రెండు పుట్టిన రోజు కానుకలు!

సూపర్‌ స్టార్‌ మహేష్‌ బాబు ప్రస్తుతం చేస్తున్న చిత్రం 'సర్కారు వారి పాట'. గీత గోవిందం ఫేమ్‌ పరశురామ్‌ దర్శకత్వంలో రూపొందుతున్న ఈ సినిమా లో మహేష్‌ బాబుకు జోడీగా కీర్తి సురేష్ నటిస్తున్న విషయం తెల్సిందే. ఈ సినిమా మొదటి షెడ్యూల్‌ దుబాయిలో ముగించుకుని వచ్చేశారు. ఇటీవలే హైదరాబాద్‌ లో ప్రత్యేకంగా వేసిన సెట్ లో రెండవ షెడ్యూల్‌ ను ప్లాన్‌ చేశారు. కొన్ని రోజులు షూటింగ్‌ జరిగిన వెంటనే యూనిట్‌ లో కొందరికి కరోనా పాజిటివ్‌ అంటూ నిర్థారణ అవ్వడంతో షూటింగ్‌ ను నిలిపి వేయడం జరిగింది. షూటింగ్‌ ను మళ్లీ ఎప్పుడు మొదలు పెట్టేది క్లారిటీ లేదు. కాని ఈ సినిమా ఫస్ట్‌ లుక్‌ విషయంలో మాత్రం ఒక వార్త ఇండస్ట్రీ వర్గాల్లో ప్రముఖంగా వినిపిస్తుంది.

కృష్ణ పుట్టిన రోజు అయిన మే 31 న మహేష్‌ బాబు నటిస్తున్న సినిమాలకు సంబంధించిన అప్‌ డేట్ ఇవ్వడం మనం చూస్తూనే ఉన్నాం. గత ఏడాది కృష్ణ బర్త్‌ డే సందర్బంగా సర్కారు వారి పాట సినిమాను అధికారికంగా ప్రకటించారు. ఈ ఏడాది కృష్ణ బర్త్‌ డే కు సర్కారు వారి పాట ఫస్ట్‌ లుక్ ను రివీల్‌ చేయడం పక్కా అంటున్నారు. ఇప్పటికే అందుకు సంబంధించిన ఏర్పాట్లు కూడా మొదలు అయ్యాయంటున్నారు. సర్కారు వారి పాట పోస్టర్‌ ను మోషన్‌ పోస్టర్‌ గా విడుదల చేయడం జరుగుతుందట. అందుకోసం బ్యాక్‌ గ్రౌండ్‌ స్కోర్‌ ను థమన్‌ రెడీ చేశాడని తెలుస్తోంది.

మే 31న సర్కారు వారి పాట ఫస్ట్‌ లుక్‌ రాబోతుండగా టీజర్‌ ను మహేష్‌ బాబు బర్త్‌ డే సందర్బంగా ఆగస్టు 9న విడుదల చేయబోతున్నట్లుగా సమాచారం అందుతోంది. ఇద్దరు సూపర్‌ స్టార్‌ ల బర్త్‌ డేల సందర్బంగా సర్కారు వారి పాట పోస్టర్‌ మరియు టీజర్‌ ను విడుదల చేసేలా ప్లాన్‌ చేశారు. ఈ సినిమా ను సంక్రాంతికి ప్రేక్షకుల ముందుకు తీసుకు వచ్చేలా ప్లాన్‌ చేస్తున్నారు. 14 రీల్స్ ప్లస్‌ బ్యానర్‌ లో ఈ సినిమా రూపొందుతోంది. మైత్రి మూవీ మేకర్స్‌ వారు కూడా ఈ సినిమాకు సహ నిర్మాతగా వ్యవహరిస్తున్నారు. కీర్తి సురేష్‌ తో మొదటి సారి మహేష్ బాబుతో రొమాన్స్‌ చేయబోతున్న నేపథ్యంలో అంచనాలు భారీగా ఉన్నాయి.