వీడియో టాక్‌: సరైనోడు.. బ్లాకుబస్టరే..

అబ్బే సినిమా రిలీజవ్వకుండానే బ్లాకుబస్టరు.. హిట్టు సినిమా పోస్టరు.. అంటూ కబుర్లు మనమెందుకు చెప్తాం. అవి నిర్మాతలు ఎలాగో చెప్పుకుంటారు. మ్యాటర్‌ ఏంటంటే.. స్టయిలిష్‌ స్టార్‌ అల్లు అర్జున్‌ ఇప్పుడు తన సినిమా నుండి తొలిసారిగా ఒక సాంగ్‌ టీజర్‌ ను విడుదల చేశాడు. ఒక సాంగు వీడియో టీజర్ ను అభిమానుల కోసం వదిలేశాడు.

బన్నీతో కలసి ఈ సినిమాలో తెలుగమ్మాయి అంజలి ఒక సాంగుకు చిందులేసిన సంగతి తెలసిందే. ఆ సాంగే.. ''నేను చెయ్యేస్తే నీ లైఫు బ్లాకుబస్టరే'' అంటూ సాగే ఈ పాలో బన్నీ అండ్‌ అంజలి కలసి స్టెప్పులు వేస్తున్నారు. మాంచి కిక్కిచ్చింది సాంగ్‌. ముఖ్యంగా అంజలిని ఇంట్రొడ్యూస్‌ చేసిన స్టయిల్‌ బాగుంది. అలాగే బన్నీ స్టెప్పులు కూడా ఊరమాసుగా బాగున్నాయి. కాస్త రొటీన్‌ స్టెప్పులే అయినా కూడా.. ఆ స్పీడ్‌ అండ్‌ ఎనర్జీ చూస్తే మాత్రం థ్రిల్‌ అవ్వాల్సిందే.

ఇంకోమాట.. తమన్‌ బాబు ఏదో కొత్తగా కొట్టాలనే ప్రయత్నం చేసి.. కాస్త సక్సెస్‌ అయినట్లే ఉన్నాడు. సీ అండ్‌ ఎంజాయ్‌.