యూట్యూబ్ లో బన్నీ నేషనల్ రికార్డ్

తెలుగు రాష్ట్రాల్లోనే కాకుండా.. ఇతర ప్రాంతాల్లో కూడా అల్లు అర్జున్ క్రేజ్ అమాంతం పెరిగిపోతూనే ఉంది. ఇప్పటికే కేరళలో పాతుకుపోయిన బన్నీకి.. నార్త్ ఇండియాలో కూడా క్రేజ్ పెరిగిపోతోంది. తాజాగా డీజే-దువ్వాడ జగన్నాధం మూవీ హిందీ డబ్బింగ్ రైట్స్ ను విక్రయించిన రేటు చూసి చాలా మందికి మైండ్ బ్లాంక్ అయింది.

కానీ తాజాగా అల్లు అర్జున్ మూవీ సృష్టించిన రికార్డ్ చూస్తే.. డీజేను తక్కువ రేటుకే విక్రయించారేమో అనిపించక మానదు. గతేడాది రిలీజ్ అయిన బన్నీ బ్లాక్ బస్టర్ మూవీ సరైనోడు హందీ డబ్బింగ్ వెర్షన్ ను మే 28న యూట్యూబ్ లో రిలీజ్ చేశారు. అదే టైటిల్ పై విడుదలైన సరైనోడు.. కేవలం 24 గంటల్లోనే ఏకంగా 6 మిలియన్ల వ్యూస్ సంపాదించేసింది. ఇప్పటివరకూ ఈ చిత్రం వ్యూస్ సంఖ్య దాదాపు 8 మిలియన్లను దాటిపోయింది. ఇది హిందీ డబ్బింగ్ మూవీస్ లోనే అతి పెద్ద రికార్డ్ కావడం విశేషం.

ఈ ఫిగర్స్ చూస్తే.. నార్త్ లో అల్లు అర్జున్ క్రేజ్ ఏ స్థాయిలో ఉందో అర్ధమవుతుంది. టీవీ టీఆర్పీలలో కూడా అల్లు అర్జున్ సినిమాలు సూపర్బ్ గా ఫేర్ చేస్తున్నాయి. సన్నాఫ్ సత్యమూర్తి.. రేసుగుర్రం చిత్రాల హిందీ డబ్బింగ్ వెర్షన్స్ ను ఎన్ని సార్లు టెలికాస్ట్ చేసినా భారీ రేటింగులు వస్తుండడంతో.. బన్నీ సినిమాలపై హిందీ మీడియా బాగానే కన్నేసింది.

Like Us on Facebook : https://www.facebook.com/Tupakidotcom/