బ్రహ్మోత్సవం, సరైనోడు రిలీజ్ డేట్స్ ఇవే

ఈసారి టాలీవుడ్ వేసవి చాలా హాట్ హాట్ గా ఉండబోతోందన్న సంకేతాలు అప్పుడే వచ్చేశాయి. మార్చి నెలాఖరులో ‘ఊపిరి’తో మొదలుపెడితే.. వేసవి ప్రథమార్ధానికి ఆల్రెడీ బెర్తులు బుక్ అయిపోయాయి. మార్చి 25న ‘ఊపిరి’ వచ్చిన రెండు వారాలకే పవన్ కళ్యాణ్ సినిమా ‘సర్దార్ గబ్బర్ సింగ్’ థియేటర్లలోకి దిగుతాడు. ఆ తర్వాత సరైనోడు - బ్రహ్మోత్సవం సినిమాలు కూడా ఏప్రిల్లోనే వస్తాయని ప్రచారం జరిగింది. ఐతే ఆ రెండు సినిమాల రిలీజ్ డేట్ల విషయంలో క్లారిటీ మాత్రం లేదు. ఆ తేదీలేవో అని మహేష్ బాబు - అల్లు అర్జున్ అభిమానులు ఉత్కంఠగా ఎదురు చూస్తున్నారు. ఎట్టకేలకు ఆ విషయంలో క్లారిటీ వచ్చేసింది.

బ్రహ్మోత్సవం చిత్రాన్ని ఇంతకుముందు అనుకున్నట్లు ఏప్రిల్ 29న కాకుండా మే 31న విడుదల చేయాలని నిర్ణయించారు. షూటింగ్ అనుకున్నట్లుగా పూర్తి కాకపోవడంతో సినిమాను మేకి వాయిదా వేసిన సంగతి తెలిసిందే. ఎలాగూ మేకు వాయిదా పడటంతో.. అదే నెల 31న మహేష్ తండ్రి కృష్ణ పుట్టిన రోజు కావడంతో ఆ రోజే సినిమాను రిలీజ్ చేయాలని ఫిక్స్ చేసేశారట. ఇక బ్రహ్మోత్సవం విషయంలో క్లారిటీ వచ్చేయడంతో ఏప్రిల్లో కావాల్సిన డేటు ఎంచుకునే వీలు అల్లు అరవింద్ కు దక్కింది. ఆయన అన్ని రకాలుగా ఆలోచించి ఏప్రిల్ 22న ‘సరైనోడు’ను రిలీజ్ చేయాలని ఫిక్సయ్యారు. ఆల్రెడీ థియేుటర్ల బుకింగ్స్ కూడా అయిపోయాయట. కాబట్టి సమ్మర్ కు రావాల్సిన పెద్ద సినిమాలన్నింటి విషయంలో క్లారిటీ వచ్చేసినట్లే.