టీజర్ టాక్ : అల్లు అర్జున్ పక్కా మాస్..

స్టైలిష్ స్టార్ అల్లు అర్జున్ నటించిన సరైనోడు టీజర్ వచ్చేసింది. తొలిసారిగా ఆన్ లైన్ లోనే కాకుండా.. వెయ్యికి పైగా థియేటర్లలోనూ టీజర్ రిలీజ్ చేస్తూ కొత్త సంప్రదాయానికి తెర తీసిన అల్లు అర్జున్... తాను పక్కా మాస్ అంటున్నాడు. టీజర్ ప్రారంభం నుంచి చివరివరకూ ఎక్కడా మాస్ మార్క్ తగ్గకుండా పర్ఫెక్ట్ గా డిజైన్ చేశాడు డైరెక్టర్ బోయపాటి శ్రీను.

తన మార్క్ కు ఏ మాత్రం తగ్గకుండా.. అల్లు అర్జున్ స్టైల్ ని కొంచెం కూడా మిస్ చేయకుండా రూపొందించిన సరైనోడు టీజర్ లో ప్రతీ ఫ్రేమ్ ఆకట్టుకుంటోంది. ఒక్క సీన్ లో పాట లుక్ తప్ప.. మిగత అంతా ఫైట్ సీన్స్ ని, అందులో హై ఎండ్ యాక్షన్ సీన్స్ మాత్రమే మిక్స్ చేసి, టీజర్ ని రూపొందించారు. టీజర్ మొత్తానికి 'ఎర్రతోలు కదా స్టైల్ గా ఉంటాడని అనుకుంటున్నావే.. మాస్ ఊర మాస్' అంటూ అల్లు అర్జున్ చెప్పిన డైలాగ్ హైలైట్. తమన్ అందించిన బ్యాక్ గ్రౌండ్ స్కోరీ ఫుల్లుగా ఆకట్టుకుంటుంది. చాలాకాలంగా సరైన మాస్ సినిమా లేక ఆకలి మీద ఉన్న మెగా ఫ్యాన్స్ ని సరైనోడు టీజర్ ఉర్రూతలుగించడం ఖాయం.

బన్నీతో రొమాంటిక్ మూవీ తీస్తున్నానని చెప్పిన బోయపాటి.. టేకింగ్ లో మాత్రం యాక్షన్ ని ఏ మాత్రం మిస్ చేయలేదనే విషయం టీజర్ ని చూస్తే అర్ధమైపోతోంది. ఇక టీజర్ లోనే ఈ రేంజ్ యాక్షన్ ఉంటే.. ట్రైలర్ లో ఎంత ఉండాలి... సినిమాలో ఇంకెంత ఉండాలి అనిపించడం ఖాయం.