సరైనోడు టీమ్.. దొరికిపోయింది

పాటల కోసం ఫారిన్ వెళ్లడం అన్నది చాలా చిన్న విషయం అయిపోయింది ఈ రోజుల్లో. ఆ ఫారిన్ లోనూ ఇంతకుముందెన్నడూ చూడని ఎగ్జోటిక్ లొకేషన్లు చూపించి థ్రిల్ చేస్తే తప్ప జనాలకు ఆనట్లేదు. అందుకే నిర్మాతలు సైతం ఎంత ఖర్చయినా పర్లేదని.. ప్రేక్షకులకు ఆ అనుభూతి పంచడానికి రెడీ అవుతున్నారు. అగ్ర నిర్మాత అల్లు అరవింద్ సైతం తన కొత్త సినిమా ‘సరైనోడు’ కోసం దక్షిణాఫ్రికాలోని నెవర్ బిఫోర్ సీన్ లొకేషన్లకు యూనిట్ సభ్యుల్ని పంపించాడు. స్టన్నింగ్ లొకేషన్లు ఉన్న బొలీవియాలో ‘సరైనోడు’లోని రెండు పాటలు చిత్రీకరించాలని నిర్ణయించుకున్న బోయపాటి శ్రీను.. హీరో హీరోయిన్లు అల్లు అర్జున్ - రకుల్ ప్రీత్ సింగ్ లతో పాటు ఓ పదిహేను మంది యూనిట్ సభ్యుల్ని తీసుకుని బొలివియా వెళ్లాడు.

హైదరాబాద్ నుంచి బొలీవియా చేరుకోవడానికి 50 గంటల పాటు ఫ్లైట్ లో ప్రయాణించాల్సి రావడం విశేషం. అక్కడికి చేరాక మళ్లీ అనుకున్న లొకేషన్ చేరడానికి బస్సు వెహికల్లో ట్రావెల్ చేయాల్సి వచ్చింది. ఈ ప్రయాణంలో భాగంగా కెమెరాకు దొరికిపోయింది ‘సరైనోడు’ టీమ్. బన్నీ ఒక్కడు తల వంచుకుని ఏదో పనిలో బిజీగా ఉంటే.. మిగతా వాళ్లందరూ ఈ ఫొటోకు పోజిచ్చారు. ఆ ఫొటోను సోషల్ మీడియాలో షేర్ చేశారు. అసలు లొకేషన్ కు వెళ్లాక మరిన్ని ఫొటోలు షేర్ చేస్తానని చెప్పింది రకుల్. కాబట్టి మరిన్ని పిక్స్ చూడ్డానికి అభిమానులు రెడీగా ఉండాలన్న మాట.