కుమార్ బాబు అన్నకు అఖిల్ ఆఫర్?

రంగస్థలంలో రామ్ చరణ్ అన్నయ్య కుమార్ బాబు పాత్రలో ఒదిగిపోయి జీవించేసిన ఆది పినిశెట్టికి ఓ అన్నయ్య సత్య ప్రభాస్ పినిశెట్టి దర్శకుడన్న సంగతి తెలిసిందే. గతంలో తమ్ముడిని హీరోగా పెట్టి మలుపు అనే సినిమా తీస్తే పేరు తీసుకొచ్చింది కానీ కమర్షియల్ గా అంతగా వర్క్ అవుట్ కాలేదు. నాన్న రవితేజా పినిశెట్టి అడుగుజాడల్లో సత్య నడుస్తుండగా తమ్ముడు ఆది మాత్రం హీరోగా విలన్ గా ఏకాకాలంలో తన టాలెంట్ చూపించుకునే పనిలో ఉన్నాడు. ఇక తాజా అప్ డేట్ ప్రకారం సత్య ప్రభాస్ తో సినిమా చేసేందుకు అఖిల్ గ్రీన్ సిగ్నల్ ఇచ్చాడట. ప్రస్తుతం తొలిప్రేమ ఫేమ్ వెంకీ అట్లూరి దర్శకత్వపు సినిమా షూటింగ్ లో బిజీగా ఉన్న అఖిల్ తన నాలుగో సినిమాగా సత్య ప్రభాస్ పినిశెట్టికే ఓకే చేయవచ్చని ఇన్ సైడ్ టాక్. కథ నచ్చిందని స్క్రిప్ట్ లాక్ చేసే పనిలో సత్య బిజీగా ఉన్నాడని తెలుస్తోంది. వెంకీ అట్లూరి సినిమా పూర్తి కాగానే దీన్ని సెట్స్ పైకి తీసుకెళ్లే అవకాశాలు ఉన్నాయట.

ఇక ఆసక్తికరమైన సంగతి మరొకటి ఉంది. ముప్పై ఏళ్ళ క్రితం అగ్ర దర్శకుడిగా వెలుగొంది చిరంజీవి బాలకృష్ణ లాంటి అగ్ర హీరోలతో సూపర్ హిట్ సినిమాలు తీసిన రవిరాజా పినిశెట్టి ఒక్క నాగార్జునతో మాత్రం సినిమా చేయలేకపోయాడు. ఆ లోటు తీర్చేందుకు కాబోలు ఆయన కొడుకు సత్య దర్శకుడిగా మారి నాగ్ వారసుడు అఖిల్ తో చేయబోతున్నాడన్న మాట. ఇది అధికారికంగా ఇంకా ప్రకటించాల్సి ఉంది. అఖిల్ ఖచ్చితంగా హిట్లు కొట్టాల్సిన ఒత్తిడిలో కథలను వింటున్నాడు. మొదటి రెండు సినిమాలు అఖిల్ హలో ఫలితాలు నిరాశపరచడంతో రిస్క్ చేయకుండా హిట్టు కొట్టిన దర్శకుడిని ఎంచుకున్నాడు. మిస్టర్ మజ్ను అనే టైటిల్ పరిశీలనలో ఉన్నట్టు టాక్ ఉంది కానీ ఇంకా నిర్ధారణ కావాల్సి ఉంది. కెరీర్ మొదట్లోనే ఇంత స్లోగా కాకుండా సినిమాలు చేయటంతో కాస్త వేగం పెంచమంటున్నారు అక్కినేని ఫ్యాన్స్.