ఫ్యామిలీ డైరెక్టర్ మళ్ళీ రాజుగారితో?

అంతకుముందు ఓ రెండు సినిమాలు చేసినప్పటికీ 'శతమానం భవతి' తోనే దర్శకుడిగా గుర్తింపు తెచ్చుకున్నాడు సతీష్ వేగేశ్న. చాలా మందికి ఆయన మొదటి సినిమా కూడా తెలియదు. రాజు గారి కాంబినేషన్ లో మంచి ఫ్యామిలీ ఎమోషన్స్ తో 'శతమానం భవతి' తీసి సంక్రాంతి బ్లాక్ బస్టర్ కొట్టి నేషనల్ అవార్డు అందుకున్న సతీష్ వేగేశ్న శ్రీనివాస కళ్యాణంతో ఫ్లాప్ అందుకున్నాడు. దిల్ రాజు -సతీష్ కాంబో అని థియేటర్స్ కి వెళ్ళిన ప్రేక్షకులను సినిమా నిరాశపరిచింది. ఇక ఆ సినిమా సక్సెస్ మీట్ లో వీరిద్దరి కాంబోలో మూడో సినిమా అనౌన్స్ చేసాడు దిల్ రాజు.

'థాంక్యూ మీకెలా చెప్పాలో' అంటూ టైటిల్ కూడా చెప్పాడు. జీవితంలో మనం కృతజ్ఞతలు చెప్పుకోవాల్సిన భాద్యత అనే కథతో ఈ సినిమా అనుకున్నారు. 'శ్రీనివాస కళ్యాణం' తర్వాత వేగేశ్న అదే సినిమా చేస్తాడని అనుకున్నారంత. కానీ అక్కడి నుండి యూ టర్న్ తీసుకొని ఆదిత్య మూవీస్ కి షిఫ్ట్ అయ్యాడు దర్శకుడు. కళ్యాణ్ రామ్ తో 'ఎంత మంచి వాడవురా' చేస్తున్నాడు. ఇక ఈ సినిమా తర్వాత ఈ ఫ్యామిలీ డైరెక్టర్ మళ్ళీ రాజు గారి బ్యానర్ లోనే సినిమా చేస్తాడనే టాక్ ఉంది.

ప్రస్తుతానికి సతీష్ వేగేశ్న ఫోకస్ అంతా 'ఎంత మంచి వాడవురా' మీదే ఉంది. ఈ సినిమాతో మళ్ళీ ఓ సూపర్ హిట్ కొట్టి సంక్రాంతి దర్శకుడు అనిపించుకోవాలని చూస్తున్నాడు. ఈ సినిమాను 'శతమానం భవతి' సెంటిమెంట్ తోనే సరిగ్గా సంక్రాంతి రోజున రిలీజ్ చేస్తున్నారు. ఈ సినిమా రిలీజ్ తర్వాతే సతీష్ వేగేశ్న -రాజు గారి సినిమా గురించి అప్డేట్ వచ్చే అవకాశం ఉంది.