వీడియో : బ్రహ్మీ యాక్షన్‌ ను దించేసిన తిమ్మరుసు

ట్యాలెంటెడ్‌ నటుడిగా గుర్తింపు దక్కించుకున్న తర్వాత హీరోగా సత్యదేవ్‌ గుర్తింపు దక్కించుకున్నాడు. చాలా మంది హీరోలుగా గుర్తింపు దక్కించుకున్న తర్వాత ట్యాలెంటెడ్‌ నటులుగా పేరు సంపాదిస్తారు. కాని సత్యదేవ్‌ మాత్రం మొదటే ఒక మంచి నటుడు అనిపించుకున్నాడు. వరుసగా సినిమాలు చేస్తున్నాడు. రెండు మూడు నెలల్లో ఒక సినిమా ను ముగిస్తున్న సత్యదేవ్‌ బ్యాక్ టు బ్యాక్‌ ప్రేక్షకుల ముందుకు వచ్చేందుకు సిద్దం అవుతున్నాడు. ఇటీవలే ఈయన తిమ్మరుసు సినిమాతో ప్రేక్షకుల ముందుకు వచ్చిన విషయం తెల్సిందే.

తిమ్మరుసు సినిమాలో ఆయన లాయర్‌ పాత్రలో కనిపించాడు. సినిమాకు మంచి టాక్ వచ్చింది. కాని కరోనా భయంతో ప్రేక్షకులు థియేటర్లకు వెళ్లేందుకు కాస్త వెనుకాడుతున్నారు. దాంతో సినిమాకు ఆశించినట్లుగా వసూళ్లు రాలేదు అనేది వాస్తవం. కాని సత్యదేవ్‌ కు మాత్రం మరో విజయం ఖాతాలో పడ్డట్లే అంటున్నారు. కలెక్షన్స్‌ తో సంబంధం లేకుండా తిమ్మరుసుతో ఆకట్టుకున్న సత్యదేవ్‌ తాజాగా ట్విట్టర్ లో ఈ వీడియోను షేర్‌ చేశారు. అందులో సరదాగా బ్రహ్మానందం వేసే యాక్షన్‌ మూమెంట్స్ ను చేసేందుకు ప్రయత్నించాడు.

వీడియో ను షేర్‌ చేసిన ఆయన నాకు ఇష్టమైన బ్రహ్మానందం సర్‌ గారి మూవ్స్ అంటూ కామెంట్‌ పెట్టాడు. బ్రహ్మానందం ఎక్కువగా పలు సినిమాల్లో ఇలాంటి మూవ్స్ ను చేశారు. ఆయన పేరు చెప్పగానే ఇలాంటి మూవ్స్ గుర్తుకు వస్తాయి. మీమర్స్ ఆ మూవ్స్ ను ఎక్కువగా ఉపయోగిస్తారు. కనుక సత్యదేవ్‌ చేసిన ఈ మూవ్‌ కు బ్రహ్మీ అభిమానులు ఫిదా అవుతున్నారు. సత్యదేవ్‌ ప్రస్తుతం తిమ్మరుసు సక్సెస్ ఆనందంలో ఉన్నాడు. దాంతో ఇలాంటి జోష్ వీడియోలను షేర్‌ చేస్తున్నట్లుగా ఉన్నాడు అంటూ కామెంట్స్‌ వస్తున్నాయి.