తిమ్మరుసుగా మారిన ఉమామహేశ్వర

ఈ లాక్‌ డౌన్‌ సమయంలో ఎన్నో సినిమాలు విడుదల వాయిదా పడ్డాయి. చాలా మంది హీరోలు ఈ ఏడాదిలో ఒక్క సినిమా కూడా విడుదల చేయలేని పరిస్థితి ఉంది. అంతటి విపత్కర పరిస్థితుల్లో కూడా హీరో సత్యదేవ్‌ పలు సినిమాలతో ప్రేక్షకుల ముందుకు వచ్చాడు. సత్యదేవ్‌ నటించిన ఉమామహేశ్వర ఉగ్రరూపస్య.. 47 డేస్‌ తో పాటు మరికొన్ని సినిమాలను కూడా ఈ లాక్‌ డౌన్‌ టైమ్‌ లోనే సత్యదేవ్‌ ప్రేక్షకుల ముందుకు తీసుకు వచ్చాడు. ప్రస్తుతం కూడా ఈయన చేతిలో పలు సినిమాలు ఉన్నాయి. ఈ సమయంలోనే మరో కొత్త సినిమాకు సత్యదేవ్‌ క్లాప్‌ కొట్టాడు. నేడు లాంచనంగా ప్రారంభం అయిన తిమ్మరుసు సినిమాలో సత్యదేవ్‌ హీరోగా నటించబోతున్నాడు.

కీర్తి సురేష్‌ హీరోయిన్‌ గా నటిస్తున్న 'మిస్‌ ఇండియా' సినిమాను నిర్మించిన ఈస్ట్‌ కోస్ట్‌ ప్రొడక్షన్స్‌ అధినేత మహేష్‌ కోనేరు ఈ సినిమాను నిర్మిస్తున్నాడు. తిమ్మరుసు టైటిల్‌ కు అసైన్‌ మెంట్‌ వాలి అనేది ట్యాగ్‌ లైన్‌. విభిన్నమైన కథతో ఈ సినిమాను రూపొందిస్తున్నట్లుగా చిత్ర యూనిట్‌ సభ్యులు చెబుతున్నారు. సత్యదేవ్‌ ఇమేజ్‌ కు తగ్గట్లుగా ఈ సినిమా ఉంటుందట. ఈనెల 21 నుండి రెగ్యులర్‌ షూటింగ్‌ ను ప్రారంభించి సింగిల్‌ షెడ్యూల్‌ లో సినిమాను పూర్తి చేయాలని భావిస్తున్నారు. వచ్చే ఏడాది ఆరంభంలో సినిమాను ప్రేక్షకుల ముందుకు తీసుకు వచ్చేలా ప్లాన్‌ చేస్తున్నారట. థియేటర్లలో ఈ సినిమా విడుదల అయ్యే అవకాశం ఉంది. మరిన్ని వివరాలు షూటింగ్‌ ప్రారంభం తర్వత క్లారిటీ రానుంది.