ఒక్క రోల్ తో అతని కెరీర్ మలుపు తిరగనుందా?

స్టార్ కమేడియన్లని పక్కన బెడితే టాలెంట్ వున్నా నవ్వించగలిగే సత్తా వున్నా సరైన పాత్రలు పడక చాలా మంది కమెడియన్ల కెరీర్ నల్లేరుపై నడకలా సాగుతుంది. దానికి భీభత్సమైన ఉదాహరణ ఖడ్గం సినిమాతో గుర్తింపు లభించినా మొన్నీమధ్యనే లౌక్యం చిత్రంతో అసలు సిసలైన బ్రేక్ అందుకున్నాడు. ఆ సినిమా తరువాత పృథ్వి జైత్రయాత్ర నిర్విరామంగా కొనసాగుతుంది.

ఇప్పుడు ఇదే పరిస్థితిలో మరో కమెడియన్ నిలవడం విశేషం. సత్యం సినిమాతో వెండితెరకు పరిచయమైన సత్యం రాజేష్ ఆ చిత్రంతో మంచి పేరు తెచ్చుకున్నా కెరీర్ లో అత్యంత ప్రశంసలు అందుకున్న పాత్రలేమి చెయ్యలేదు. అప్పటినుండి ఇటీవల నాని కృష్ణ గాడి దాకా హీరో ఫ్రెండ్ పాత్రలే వేసి నవ్వించే ప్రయత్నం చేశాడు.

అయితే ఇటీవల విడుదలైన క్షణం సినిమాలో సత్యం రాజేష్ పోషించిన చౌదరి పాత్ర దుమ్ము లేపింది. సీరియస్ గా వుంటూనే కామెడి చేస్తూ ప్రేక్షకులను అలరించాడు. ఈ రోల్ తో రాజేష్ స్టామినా తెలిసింది గాబట్టి అతనికీ సినిమాలో గుర్తుండిపోయే పాత్రలు ఇకపై చాలానే వస్తాయని కోరుకుందాం.