అనుష్క డబ్బింగ్‌ ఆర్టిస్టు కూడా...

మన హీరోయిన్లంటే సెక్స్‌ ఎప్పీల్‌ కోసం ట్యాటూలు వేయించుకుంటున్నారని చెప్పుకున్నాం. అయితే ఈ ట్యాటూలు అనే క్రేజ్‌ కేవలం తెరపైన కనిపించే సెలబ్రిటీల్లోనే కాదు, తెర వెనుక కనిపించే సెలబ్రిటీల్లో కూడా ఉంది. వారు కేవలం తమ సరదా కోసం ఇలా ఇంకింగ్‌ చేయించుకుంటున్నారని తెలుస్తోంది. ఈ నలుపు తెలుపు ఫోటోలో తన చేతి మణికట్టు దగ్గర అడ్డంగా ట్యాటూ వేయించుకున్న అమ్మడిని గుర్తుపట్టారా?

ఈమె ఎవరో కాదు.. రెగ్యులర్‌గా హీరోయిన్‌ అనుష్కకు డబ్బింగ్‌ చెప్పే డబ్బింగ్‌ ఆర్టిస్ట్‌, కమ్‌ ఆర్‌.జె.. కమ్‌ సింగర్‌.. సౌమ్య శర్మ. అప్పుడెప్పుడో ఓ పదేళ్ళ క్రితం ''సూపర్‌'' సినిమాతో అనుష్కకు డబ్బింగ్‌ చెప్పి లైమ్‌లైట్‌లోకి వచ్చింది ఈవిడ. అప్పటి నుండి ఇప్పటికి అనుష్కకు ఈమే డబ్బింగ్‌ చెబుతోంది. రుద్రమదేవి, బాహుబలి సినిమాల్లో కూడా అనుష్కకు ఈమే డబ్బింగ్‌ చెప్పింది. గోవిందుడు అందరివాడేలే సినిమాలో కాజల్‌ వాయిస్‌లోని మ్యాజిక్‌ ఈమెదే. ప్రస్తుతం ఈమె చేతి మీద ''డూ ఆర్‌ డు నాట్‌'' అంటూ ఒక ఇంగ్లీషు ట్యాటూ వేయిచుకుంది. అదే తన క్లోజ్‌ ఫ్రెండ్స్‌తో షేర్‌ చేసుకుంది కూడా.

ఇప్పటివరకు కేవలం హీరోయిన్స్‌కే ఉందనుకున్న ఈ టాటూ ఫీవర్‌ ఇప్పుడు ఇలా తెరవెనుక మ్యాజిక్‌ చేసే సెలబ్రిటీలకు కూడా అంటుకుందనమాట. ఏదేమైనా.. ట్యాటూ వేయించుకుంటే వచ్చే కిక్కే వేరబ్బా అంటున్నారు సెలబ్స్‌.