చైతు సినిమాకు డీసెంట్ ప్రీమియర్ కలెక్షన్స్

ప్రేమమ్' లాంటి విజయవంతమైన చిత్రం తర్వాత రెండోసారి నాగ చైతన్య - చందూ మొండేటి కాంబినేషన్లో తెరకెక్కిన సినిమా 'సవ్యసాచి'. నిన్నే ఈ సినిమా ప్రేక్షకుల ముందుకు వచ్చిన సంగతి తెలిసిందే. వ్యానిషింగ్ ట్విన్ సిండ్రోమ్ అనే డిఫరెంట్ కాన్సెప్ట్ తో తెరకెక్కిన ఈ సినిమా ప్రోమోస్ తో అందరి దృష్టిని ఆకర్షించింది. ఈ సినిమా ప్రీమియర్స్ కు ఓవర్సీస్ లో డీసెంట్ రెస్పాన్స్ వచ్చింది.

అమెరికాలో ప్రీమియర్స్ ద్వారా ఈ చిత్రం $104569 కలెక్షన్స్ సాధించింది. చైతు కెరీర్లో ఇది సెకండ్ బెస్ట్ ప్రీమియర్ కలెక్షన్స్ ఫిగర్ కావడం విశేషం. 'శైలజా రెడ్డి అల్లుడు' చైతు కెరీర్ లో బెస్ట్ ప్రీమియర్ కలెక్షన్స్ సాధించిన సినిమా. మారుతి దర్శకత్వంలో తెరకెక్కిన 'శైలజా రెడ్డి అల్లుడు' ప్రీమియర్స్ ద్వారా $107448 కలెక్షన్స్ సాధించింది. ఇక ఫుల్ రన్ లో ఆ సినిమా $426k కలెక్షన్స్ సాధించింది. 'సవ్యసాచి' సినిమాకు మిక్స్డ్ టాక్ వచ్చినా ఇప్పటివరకూ బాక్స్ ఆఫీస్ దగ్గర పెర్ఫార్మన్స్ డీసెంట్ గానే ఉందని సమాచారం.

మరోవైపు ఈ సినిమాకు లోకల్ గా కూడా రెస్పాన్స్ బాగానే ఉందని.. మాస్ ఆడియన్స్ లో ఈ సినిమాకు స్పందన ఎక్కువగా ఉందని వార్తలు వస్తున్నాయి. ఏదేమైనా ఫస్ట్ వీకెండ్ కలెక్షన్స్ వస్తే గానీ సినిమా రిజల్ట్ పై ఒక అంచనాకు రావడం కష్టం. చూద్దాం.. చైతూ - చందూ మొండేటి జోడీ బాక్స్ ఆఫీస్ దగ్గర ఎలాంటి మ్యాజిక్ చేస్తారో.