పొగడ్తలతో అఖిల్ భామకి ఆఫర్లొస్తాయా?

అఖిల్ హీరోయిన్ సాయేషా సైగల్ సైమా అవార్డుల్లో డ్యాన్సులు కుమ్మేసిన సంగతి ఇంతకు ముందే చెప్పేసుకున్నాం. ఇప్పుడీ సుందరాంగి తను తెగ హ్యాపీగా ఉన్నానంటోంది. ఇందుకు కారణం.. ఏకంగా మెగాస్టార్ చిరంజీవి ఈమె గురించి ఆరా తీయడమే. సైమా ఫంక్షన్ లో చిరు వేసిన వీణ స్టెప్ ని అలవోకగా వేసి చూపించడంతో.. సాయేషా సైగల్ డ్యాన్సింగ్ ట్యాలెంట్ పై చాలామందికి నమ్మకం కుదిరేసింది.

'ఇది నా మొదటి స్టేజ్ పెర్ఫామెన్స్. అందుకే మొదటిసారే గట్టి ఇంప్రెషన్ చూపాలని అనుకున్నాను. నేను ట్రైనింగ్ తీసుకున్న డ్యాన్సర్ నే అయినా.. తొలి సినిమా అఖిల్ లో నా ట్యాలెంట్ చూపేందుకు అంతగా ఛాన్స్ రాలేదు. అందుకే సైమా ఈవెంట్ ని నా డ్యాన్స్ ప్రతిభ చూపేందుకు వేదికగా ఎంచుకున్నాను' అని చెప్పింది సాయేషా సైగల్. ఈ వేడుకలో నలుగురు సీనియర్ హీరోల సాంగ్స్ కు డ్యాన్సులు చేసి అలరించిన తర్వాత.. ఈమె గురించి చిరు కూడా వాకబు చేశారు. ఈ విషయం తెలిసి బోలెడంత హ్యాపీగా ఉన్నానంటోంది అఖిల్ భామ.

'నేను స్టేజ్ పై పెర్ఫామ్ చేస్తున్నపుడు చిరంజీవి అక్కడ లేరు. కానీ డ్యాన్స్ గురించి విని ప్రత్యేకంగా చూశారని తెలిసింది. నా డ్యాన్స్ నచ్చిందని ఆయన చెప్పడంతో చాలా సంతోషంగా ఉన్నా' అంటోంది సాయేషా. చిరు నుంచి డ్యాన్స్ విషయంలో పొగడ్తలు వచ్చాయంటే అదేమీ చిన్న విషయం కాదు. తొలి సినిమా తర్వాత అంతగా ఆఫర్లు దక్కించుకోలేకపోయిన సాయేషా సైగల్ కు.. ఇప్పుడు మెగా ఫ్యామిలీ నుంచి ఆఫర్స్ వెళ్లే ఛాన్స్ ఉందనే టాక్ వినిపిస్తోంది.