హాట్ పిల్ల.. ఒక్క సినిమాతో అడ్రస్ గల్లంతా?

ఒక కొత్త హీరోయిన్ కు అరంగేట్రంలోనే ఒక పెద్ద సినిమాలో చేసే అవకాశం దక్కడం అదృష్టమే. కానీ ఆ సినిమా ఆడని పక్షంలో ఆమె కంటే దురదృష్టవంతురాలు ఇంకొకరు ఉండరు. మహేష్ బాబు లాంటి సూపర్ స్టార్ తో ‘1 నేనొక్కడినే’ సినిమా ద్వారా హీరోయిన్ గా పరిచయం కాబోతున్నందుకు కృతి సనన్ ఎంతగా ఎగ్జైట్ అయి ఉంటుందో? కానీ ఆ సినిమా డిజాస్టర్ కావడంతో ఆమె అడ్రస్ గల్లంతయిపోయింది. బాలీవుడ్ కు వెళ్లిన ఆమెకు అక్కడ కెరీర్ కొంచెం పర్వాలేదనిపించేలాగే ఉంది. కానీ కృతి లాగే టాలీవుడ్లో అరంగేట్రం చేసి బాలీవుడ్ వెళ్లిన కొత్తమ్మాయి సాయేషా పరిస్థితి మాత్రం దారుణంగా ఉంది.

‘అఖిల్’ లాంటి క్రేజీ మూవీలో అవకాశం దక్కింది కానీ.. ఆ సినిమా డిజాస్టర్ కావడంతో టాలీవుడ్ నుంచి వెంటనే దుకాణం సర్దేయాల్సిన పరిస్థితి వచ్చింది సాయేషాకు. ఐతే బాలీవుడ్లో అజయ్ దేవగణ్ లాంటి సీనియర్ హీరోతో ‘శివాయ్’ లాంటి క్రేజీ ప్రాజెక్టులో నటించే అవకాశం దక్కింది కదా అని సాయేషా పొంగిపోయింది కానీ.. ఆ సినిమా కూడా ఆమెకు నిరాశనే మిగిల్చింది. ఈ సినిమా ఫ్లాప్ కావడమే కాదు.. సాయేషాకు ఏమాత్రం మంచి పేరు తెచ్చిపెట్టలేదు. దీంతో టాలీవుడ్లోనే కాక.. బాలీవుడ్లోనూ వన్ ఫిల్మ్ వండర్ లాగా మిగిలిపోయింది సాయేషా. ఇకపై పెద్ద సినిమా.. క్రేజీ ప్రాజెక్టు అని చూడకుండా తన వయసుకు.. తన ఫిగర్ కు తగ్గట్లుగా క్యూట్ లవ్ స్టోరీలు చేద్దామనుకుంటోంది కానీ.. ‘ఐరెన్ లెగ్’ అన్న ముద్ర వేయించుకున్న ఆమెకు అవకాశాలిచ్చేదెవరన్నదే ప్రశ్న.

Like Us on Facebook : https://www.facebook.com/Tupakidotcom/