ఫారిన్లో దక్కలే.. అడవిలో దక్కుద్దా??

'అఖిల్' సినిమాతో తెలుగులో తెరంగేట్రం చేసిన సయేషా సైగల్ గుర్తుందా? ఈమెతో కెరియర్ ఆరంభించన అఖిల్ ఇంకా తన రెండవ సినిమాను సైన్ చేయలేదు కాని.. ఇప్పుడు సయేషా మాత్రం తెలుగులో డెబ్యూ పూర్తి చేశాక.. హిందీలో శివాయ్ సినిమాతో అలాగే తమిళంలో వనమగన్ సినిమాతో తన డెబ్యూలు కంప్లీట్ చేయబోతోంది. ఆ లెక్కన మూడు సినిమాలు చేసేసినట్లు.

ఒక ట్విస్ట్ ఏంటంటే.. తెలుగులో చేసిన అఖిల్‌.. హిందీలో చేసిన శివాయ్.. రెండింటిలోనూ ఫారిన్ లో జరిగే కథలే ఉన్నాయి. ఈ రెండు సినిమాలు కూడా సయేషాకు కావల్సినంత పేరు తీసుకురాలేదు. అఖిల్ డిజాష్టరైతే.. శివాయ్ కు 100 కోట్లు వసూళ్ళు వచ్చినా కూడా ఈమెను మాత్రం ఎవ్వరూ పట్టించుకోలేదు. అందుకే ఇప్పుడు తమిళ డెబ్యూ సినిమా అయిన వనమగన్ లో.. ఫారిన్ లొకేషన్లు వదిలేసి అడవిలో రొమాన్స్ చేస్తోంది ఈ బ్యూటి.

అడవిలో ఉండే ఒక టార్జాన్ కథగా రూపొందిన ఈ సినిమాలో సయేషా .. హీరో జయం రవితో జతకట్టింది. ఈ మధ్య కాలంలో జయం రవి సినిమాలకు కాస్త పేరు బాగానే వస్తోంది కాబట్టి.. ఖచ్చితంగా ఈ అమ్మడు కూడా కెరియర్లో తొలి హిట్టు కొడతానంటోంది. ఫారిన్ లొకేషన్లు మోసం చేసాయిగా.. మరి అడవి తల్లి అమ్మడిని ఏం చేస్తుందో చూద్దాం.

Like Us on Facebook : https://www.facebook.com/Tupakidotcom/