బంగార్రాజు నుండి వారసుడు అవుట్.. ఇంకెప్పుడు ముందడుగు??

టాలీవుడ్ కింగ్ నాగార్జున ప్రస్తుతం వైల్డ్ డాగ్ సినిమా చేస్తున్న సంగతి తెలిసిందే. ఈ సినిమా చివరి దశలో ఉండగానే వరుస సినిమాలను ప్రకటించేసాడు. అయితే సోగ్గాడే చిన్ని నాయన సినిమా సూపర్ హిట్ తర్వాత దాని సీక్వెల్ బంగార్రాజు సినిమా కూడా గతంలోనే అనౌన్స్ చేసాడు. అయితే ఆ సినిమాకు సంబంధించిన స్క్రిప్ట్ కూడా సిద్ధం చేసాడట డైరెక్టర్ కళ్యాణ్ కృష్ణ. ఇప్పటికే త్వరలో షూటింగ్ ప్రారంభిస్తారని వార్తలు కూడా వినిపిస్తున్నాయి. అయితే ఈసారి బంగార్రాజు సినిమాలో నాగార్జున టైటిల్ రోల్ పోషిస్తుండగా.. మరో హీరోకు అవకాశం ఉందని ఆ పాత్రలో నాగచైతన్యను ఓకే చేసినట్లు టాక్ నడిచింది. తాజాగా ఆ పాత్రకు నాగచైతన్య నో చెప్పినట్లు తెలుస్తుంది. నిజానికి నాగార్జునతో పాటు నాగచైతన్య పాత్ర కూడా డిజైన్ చేసి మల్టీస్టారర్ గా తెరకెక్కించాలని అనుకున్నాడట డైరెక్టర్.

ఇదిలా ఉండగా తాజాగా నాగచైతన్య బంగార్రాజు సినిమాకు నో చెప్పేసాడట. మరి కారణం ఏమైయ్యుంటుంది అంటే.. నాగచైతన్య ప్రస్తుతం సినిమాలతో బిజీగా ఉండటంతో షెడ్యూల్ కుదరదని నో చెప్పినట్లు సమాచారం. అయితే బంగార్రాజు స్క్రిప్ట్ వర్క్ దాదాపు ఏడాది కాలంగా రెడీ చేస్తున్నాడు డైరెక్టర్ కళ్యాణ్. మళ్లీ ఇప్పుడు నాగచైతన్య నో చెప్పేసరికి మళ్లీ ఆలోచనలో పడ్డాడట డైరెక్టర్. మరి ఇప్పుడు నాగచైతన్య స్థానంలో వేరే హీరోను తీసుకునే ప్లాన్ చేస్తున్నారట మేకర్స్. మరిప్పుడు ఆ పాత్రలో ఎవరు నటిస్తారని చర్చలు జరుగుతున్నాయి. ఈ సినిమాను అన్నపూర్ణ స్టూడియోస్ నిర్మిస్తుండగా.. అనూప్ రూబెన్స్ సంగీతం అందించనున్నాడు. చూడాలి మరి వచ్చే ఏడాది సంక్రాంతికి విడుదల చేస్తామన్న బంగార్రాజు ఎప్పుడు తెరమీదకి రానుందో!