అఖిల్ హీరోయిన్ అక్క‌డ బిజీ బిజీ

తెలుగు చిత్ర‌సీమ‌పై చాలా ఆశ‌ల‌తో వ‌చ్చింది సాయేషా. కానీ అనుకొన్న‌దొక‌టి.. అయినదొక‌టి అన్న‌ట్టుగా తొలి చిత్ర‌మే ప‌రాజ‌యాన్ని చ‌విచూడ‌టంతో ఆమెకి శృంగ‌భంగం త‌ప్ప‌లేదు. త‌దుప‌రి అవ‌కాశాలు కూడా చెప్పుకోద‌గ్గవి కాక‌పోవ‌డంతో ఆమె ప‌రిస్థితిని గ‌మ‌నించి వెంట‌నే త‌న మ‌కాంని చెన్నైకి మార్చేసింది. అక్క‌డ మాత్రం వ‌రుస అవ‌కాశాల‌తో అద‌ర‌గొడుతోంది. ప‌నిలో ప‌నిగా త‌మిళ చిత్రాల‌తోనే తెలుగు పరిశ్ర‌మ‌పై కూడా త‌న‌దైన ప్ర‌భావం చూపిస్తోంది. ఈమ‌ధ్యే విడుద‌లైన చిన‌బాబులో ప‌ల్లెటూరి అమ్మాయి పాత్ర‌లో చ‌క్క‌టి అభిన‌యం ప్ర‌ద‌ర్శించింది సాయేషా. ఆమెని చూసి అఖిల్ హీరోయిన్ బాగా నటించిందే అని మాట్లాడుకుంటున్నారు తెలుగు ప్రేక్ష‌కులు. మ‌రి ఈమెకి ఇక నుంచి తెలుగు నుంచి కూడా అవ‌కాశాలు క్యూ క‌డ‌తాయేమో చూడాలి.

తొలి చిత్రం `అఖిల్‌` హిట్ట‌య్యుంటే సాయేషా తెలుగులోనే స్థిర‌ప‌డిపోయేది. కానీ అది జ‌ర‌గ‌లేదు. అయితే త‌మిళంలో మాత్రం ఆమెకి క్రేజీ ఆఫ‌ర్లు ద‌క్కుతున్నాయి. అక్క‌డ కూడా తొలి చిత్రం వ‌న‌మ‌గ‌న్ చెప్పుకోద‌గ్గ స్థాయిలో ఆడ‌లేదు. అయినా ఆమె కొత్త అవ‌కాశాల్ని అందుకొంటూనే ఉంది. ఆమె లేత అందాలు - డ్యాన్సింగ్ స్కిల్స్ తమిళ ప‌రిశ్ర‌మ‌కి బాగా న‌చ్చాయి. దాంతో ఆమెని వ‌రుస‌గా అవ‌కాశాలు వ‌రిస్తున్నాయి. చిన‌బాబుతో తెలుగు - త‌మిళంలోనూ మంచి ప్ర‌భావం చూపించింది. త‌దుప‌రి ఆర్య‌తో క‌లిసి గ‌జినికాంత్‌ లో న‌టిస్తోంది. ఇది తెలుగులో విజ‌య‌వంత‌మైన భ‌లే భ‌లేమ‌గాడివోయ్‌ కి రీమేక్‌. విజ‌య్ సేతుప‌తితో జుంగ‌తో పాటు - మ‌రో యానిమేష‌న్ చిత్రంలోనూ న‌టిస్తోంది. మ‌రి ఇప్పుడున్న ప‌రిస్థితుల్లో ఈ ముద్దుగుమ్మ తెలుగుపై దృష్టిపెడుతుందో లేదో కూడా తెలియ‌దు.