స్క్రిప్ట్ రెడీ.. 'ఎక్సయిట్మెంట్'లో ఎనర్జిటిక్ హీరో..!

టాలీవుడ్ ఎనర్జిటిక్ హీరో రామ్ పోతినేని.. ఈ ఏడాదిని రెడ్ అనే డ్యూయెల్ రోల్ థ్రిల్లర్ మూవీతో సరిపెట్టుకున్నాడు. టాలీవుడ్ బాక్సాఫీస్ దగ్గర రెడ్ మూవీ భారీగా కాకుండా మోస్తరు హిట్ అందుకుంది. 50% అక్యూపెన్సీతో రెడ్ సినిమా విడుదలైంది. కలెక్షన్స్ కూడా సరికి సరే అన్నట్లుగా రాబట్టిందని తెలుస్తుంది. అయితే ఇస్మార్ట్ శంకర్ నుండి రామ్ కమర్షియల్ హీరోగా ప్రూవ్ చేసుకునేందుకు ట్రై చేస్తున్నాడు. అక్కడి నుండి మెల్లగా క్రేజ్ ఇంప్రూవ్ చేసుకుంటున్నాడు ఈ ఎనర్జిటిక్ హీరో. తాజాగా తదుపరి సినిమా తమిళ డైరెక్టర్ లింగుస్వామితో ప్రకటించిన సంగతి తెలిసిందే.

తెలుగులో పందెంకోడి, ఆవారా లాంటి సినిమాలతో తనకంటూ మంచి క్రేజ్ సొంతం చేసుకున్న లింగుస్వామి ప్రస్తుతం ప్లాప్స్ లో ఉన్నాడు. అందుకే ఈసారి భారీ గ్యాప్ తీసుకొని తమిళ హీరోలతో కాకుండా తెలుగు కుర్రహీరోతో సినిమా ఓకే చేసుకున్నాడు. మరి తెలుగులో లింగుస్వామి అదృష్టం ఎలా ఉందో కానీ సినిమా పై అంచనాలు మాత్రం భారీగానే సెట్ అయ్యాయి. అయితే ఈ చిత్రం బైలింగువల్ మూవీగా తెలుగు తమిళంలో రిలీజ్ కాబోతుంది. ఈసారి రామ్ కెరీర్ లోనే హైయెస్ట్ బడ్జెట్ తో సినిమా తెరకెక్కుతోందని తెలుస్తుంది. అయితే ఈసారి తన సినిమాలో ఎలాంటి ఎలాంటి మిస్టేక్స్ జరగకూడదని రామ్ స్క్రిప్ట్ విషయంలో చాలా కేర్ తీసుకున్నాడు.

ఎందుకంటే ఇప్పటివరకు లింగుస్వామి మూవీస్ స్టోరీస్ బాగానే ఉన్నప్పటికీ స్క్రిప్ట్ విషయంలో ఫెయిల్ అయినట్లు ఇండస్ట్రీలో టాక్. అంతేగాక రామ్ చివరి సినిమా కూడా మోస్తారు వసూళ్లనే రాబట్టడంతో అలాంటి తప్పిదాలు జరగకుండా జాగ్రత్త పడుతున్నాడు ఈ హీరో. ఈ సినిమాలో రామ్ సరసన కుర్రబ్యూటీ కృతిశెట్టి హీరోయిన్ గా నటించనుంది. అయితే సినిమా గురించి క్రేజీ అప్డేట్ అందించాడు రామ్. ఫైనల్ నేరేషన్ పూర్తయింది. లవ్ యూ లింగుస్వామి సార్. సూపర్ ఎక్సయిటింగ్ అంటూ షూటింగ్ ప్రారంభం చేద్దాం అన్నట్లుగా ట్వీట్ పెట్టాడు. ఈ సినిమాను చిట్టూరి శ్రీనివాసరావు నిర్మిస్తున్నారు. దేవిశ్రీ ప్రసాద్ సంగీతం అందించనున్నాడు.