సెబా సాంగ్: రేచీక‌టి పోలీసాఫీస‌ర్ వెత‌ల క‌థ వినుమా!

నేటిత‌రం హీరోల్లో ఒక్కొక్క‌రుగా ప్ర‌తిభావంతులు బ‌య‌ట‌ప‌డుతున్నారు. ఇటీవలి కాలంలో గూఢ‌చారి చిత్రంతో అడివి శేష్ స‌త్తా చాటాడు. ఆ త‌ర్వాత ఆర్.ఎక్స్ 100 చిత్రంతో బ్లాక్ బ‌స్ట‌ర్ అందుకున్న కార్తికేయ గురించి చ‌ర్చ సాగింది. ఆ ఇద్ద‌రూ కెరీర్ ప‌రంగా క్ష‌ణం తీరిక లేనంత బిజీగా ఉన్నారు.

ఇంత‌లోనే కిరణ్ అబ్బ‌వ‌రం అనే కుర్రాడు హీరోగా హిట్టు కొట్టి వ‌రుస చిత్రాల‌తో జ‌నం ముందుకు వ‌స్తున్నాడు. రాజావారు రాణిగారు సినిమాతో పరిచయమై `ఎస్‌.ఆర్‌. కళ్యాణమండపం` తో హిట్టందుకున్న అత‌డు `సెబాస్టియన్‌ పిసి 524`తో మరోసారి ప్రేక్షకుల ముందుకు వ‌స్తున్నాడు. మార్చిలో ఈ చిత్రం విడుద‌ల‌కు రెడీ అవుతోంది.

ఈ మూవీ కంటెంట్ ప‌రంగా విల‌క్ష‌ణ‌మైన‌ద‌ని ఇప్ప‌టికే విడుద‌లైన పోస్ట‌ర్లు టీజ‌ర్ వెల్ల‌డిస్తున్నాయి. రేచీక‌టి పోలీసాఫీస‌ర్ నైట్ డ్యూటీ చేయాల్సి వ‌స్తే ఏం జ‌రిగింది? అన్న క‌థాంశంతో ఆద్యంతం థ్రిల్ల‌ర్ మోడ్ లో ఈ సినిమా తెర‌కెక్కింది.

ఇందులో కిర‌ణ్ అబ్బ‌వ‌రం రేచీక‌టి పోలీస్ గా న‌టించాడు. కోమలీ ప్రసాద్‌- నువేక్ష ఇందులో నాయిక‌లు. జ్యోవిత సినిమాస్ పతాకంపై ఎలైట్ ఎంట‌ర్ టైన్ మెంట్‌ సమర్పణలో సిద్ధారెడ్డి బి-జయచంద్ర రెడ్డి- రాజు- ప్రమోద్ నిర్మించారు. బాలాజీ సయ్యపురెడ్డి దర్శకత్వం వహించారు.

తాజాగా విడుద‌లైన సెబా సాంగ్ ఆద్యంతం ఎమోష‌న్ తో ఆక‌ట్టుకుంది. ఇందులో చ‌క్క‌ని ప‌దజాలంతో సాహిత్యం అద్భుతంగా కుదిరింది. హీరో క్యారెక్ట‌రైజేష‌న్ ని ఈ పాత్ర ఆవిష్క‌రించింది. ఈ సినిమాతో కిర‌ణ్ హ్యాట్రిక్ విజ‌యం అందుకుంటార‌ని నిర్మాత‌లు చెబుతున్నారు. గిబ్రాన్ సంగీతం ఈ సినిమాకి ప్ల‌స్ అని వెల్ల‌డించారు. మార్చి 4న ప్రైమ్‌ షో ఎంటర్ టైన్మెంట్‌ సంస్థ ప్రపంచ వ్యాప్తంగా ఈ చిత్రాన్ని విడుద‌ల చేస్తోంది.