లక్ష్మీ.. టాటూ ఏంటో తెలిసింది

మోహన్ బాబు వారసురాలిగా ఇండస్ట్రీలోకి అడుగుపెట్టిన మంచు లక్ష్మి స్టయిలే వేరు. సాంప్రదాయకమైన మాటలు చెబుతూనే మోడ్రన్ లుక్ తో కనిపించడం ఆమె స్పెషాలిటీ. ఆమె నటిగా తెచ్చుకుంటున్న గుర్తింపు కంటే యాంకర్ గా - ఫ్యాషన్ ఐకాన్ గా తెచ్చుకున్న గుర్తింపే ఎక్కువ. ఫ్యాషన్ వరల్డ్ లో వచ్చిన లేటెస్ట్ ట్రెండ్స్ ను అప్ టుడేట్ గా ఫాలో అవుతూ ఫ్యాషన్ ప్రియులను ఆకట్టుకుంటుంది.

సోషల్ మీడియాలోనూ తరచుగా పోస్టులు పెడుతూ మంచు లక్ష్మి యాక్టివ్ గానే ఉంటుంది. ఆమధ్య షేర్ చేసిన ఫొటోలో ఆమె కుడి భుజం వెనుక ఓ టాటూ కనిపించింది. అది చూసిన వారందరి దృష్టిని ఆకర్షించింది. ఆ టాటూ ఏంటనే ప్రశ్న వచ్చినా ఆమె ఎలాంటి సమాధానం ఇవ్వలేదు. దాదాపు మూడు నెలల తర్వాత ఆ సీక్రెట్ ఏంటో తెలిసిపోయింది. ఆమె రీసెంట్ గా పోస్ట్ చేసిన ఓ ఫొటో క్లోజప్ చేసి చూస్తే ఆ టాటూ ఓ క్యాప్షన్ అన్నవిషయం తెలిసిపోతుంది. అది ‘వాట్ యు సీక్ ఈజ్ సీకింగ్ యూ’ (నువ్వు ఏదైతే వెతుకుతున్నావో అది నిన్ను వెతుకుతోంది). ప్రస్తుతం ఈ క్యాప్షన్ ఉన్న టాటూ ఆమె భుజంపై క్లియర్ గానే కనిపిస్తోంది. పర్షియన్ పొయిట్ రుమి రచనల్లోని ఫేమస్ కొటేషన్ ఇది.

ఇలా ఒంటిపై పర్మినెంట్ టాటూలు వేసుకున్న హీరోయిన్లు మరికొంతమంది ఉన్నారు. టాలీవుడ్ తో సినిమాల్లోకి అడుగుపెట్టి ప్రస్తుతం బాలీవుడ్ లో అదృష్టాన్ని పరీక్షించుకుంటున్న తాప్సీ - సమంత ఇంతకుముందు తమ శరీరంపై టాటూలు వేయించుకున్నారు. క్యాప్షన్ టాటూతో ఈ క్లబ్ లో లక్ష్మికూడా జాయినైందన్న మాట.