చెర్రీ ఈ బ్యూటీ మీద కాన్స‌న్ట్రేట్ చేస్తాడేమో చూడాలి..!

ముంబై బ్యూటీ కావ్య థాపర్ 'ఈ మాయ పేరేమిటో' అనే సినిమాతో టాలీవుడ్ లో హీరోయిన్ గా పరిచయమైంది. ఆ తర్వాత 'మార్కెట్ రాజా ఎంబీబీఎస్' అనే తమిళ సినిమాతో కోలీవుడ్ లో అడుగుపెట్టింది. ఈ క్రమంలో లేటెస్టుగా ''ఏక్ మినీ క‌థ'' సినిమాతో మరోసారి తెలుగు ప్రేక్షకులను పలకరించిందీ ముద్దుగుమ్మ.

సంతోష్‌ శోభన్‌ - కావ్య థాపర్ హీరోహీరోయిన్లుగా కొత్త దర్శకుడు కార్తీక్ రాపోలు 'ఏక్‌ మినీ కథ' చిత్రాన్ని తెరకెక్కించాడు. దర్శకుడు మేర్లపాక గాంధీ అందించిన కథతో రూపొందిన ఈ సినిమాని యూవీ కాన్సెప్ట్స్ సంస్థ నిర్మించింది. కోవిడ్ నేపథ్యంలో ఇటీవలే అమెజాన్ ప్రైమ్ వీడియోలో డైరెక్ట్ ఓటీటీ పద్ధతిలో ఈ చిత్రం విడుదల అయ్యింది.

తెలుగులో ఇప్ప‌టిదాకా చూడ‌ని ఒక బోల్డ్ కాన్సెప్ట్‌ తో రూపొందిన 'ఏక్ మినీ కథ' సినిమాకి ప్రేక్షకుల నుంచి విశేష ఆదరణ దక్కుతుంది. మొట్టమొదటి బోల్డ్ ఫ్యామిలీ ఎంటర్టైనర్ అని చెబుతూ ప్రమోషన్స్ చేసిన చిత్ర బృందానికి ఆశించిన ఫలితమే లభించింది. హీరోతో పాటుగా ఇందులో నటించిన హీరోయిన్ కావ్యా థాపర్ కు మంచి పేరు వచ్చింది.

'ఏక్ మినీ క‌థ' సినిమా విజయానికి కావ్య గ్లామర్ ప్ల‌స్ అయింది. తన పాత్ర పరిథి మేరకు నటించిన ఈ బ్యూటీ.. అవ‌స‌ర‌మైతే గ్లామర్ షో చేయడానికి రెడీగా ఉందనే విష‌యం ఈ సినిమా ఎండింగ్ లో తెలిసిపోయింది. దీంతో అమ్మడికి వరుస ఆఫర్స్ వస్తున్నాయని సినీ వర్గాల్లో అనుకుంటున్నారు.

అయితే కావ్యా థాపర్ మాత్రం ఈ ఆఫ‌ర్లును వెంట‌నే ఒప్పుకోకుండా.. జాగ్ర‌త్త‌గా అన్నీ ఆలోచించుకుంటూ ఆచితూచి అడుగులు వేస్తుంద‌ని స‌మాచారం. ఇకపోతే మెగా పవర్ స్టార్ రామ్ చ‌ర‌ణ్ స‌ర‌స‌న న‌టించాల‌నే కోరికను ఈ భామ ఇటీవల బయటపెట్టింది. మరి చరణ్ ఈ బ్యూటీ మీద కాన్స‌న్ట్రేట్ చేసి, ఫ్యూచర్ ప్రాజెక్ట్స్ లో అమ్మడికి అవకాశం ఇస్తాడేమో చూడాలి.