ఒక్క రాత్రిలో జరిగే షకీల కథ

హర్రర్ మూవీస్ ని ఎంచుకుంటే ఈ కాలంలో చాలా మంది థియేటర్స్ కి వస్తున్నారని ప్రస్తుతం చాలా వరకు కొత్త వాళ్లు ఆలోచిస్తున్నారు. దీంతో అలాంటి మూవీస్ ప్రతి రెండు నెలలకు ఒక సారి రిలీజ్ అవుతున్నాయి. అయితే ప్రమోషన్స్ చేయకపోవడం వల్ల సినిమాలు ఎప్పుడు రిలీజ్ అయ్యాయి అనే విషయం ఎవ్వరికీ అంతగా తెలియడం లేదు. ఒకవేళ ప్రమోషన్స్ చేసినా కూడా ఒక్కోసారి ఎవరు పట్టించుకోవడం లేదు.

దీంతో అందరిని ఆకర్షించాలంటే హారర్ మూవీస్ కి టీజర్ - ట్రైలర్ బెస్ట్ ఫార్ములా అని. వాటి కోసం చిత్ర వర్గాలు ప్రత్యేకంగా కష్టపడుతున్నారు. రీసెంట్ గా అదే తరహాలో శీలివతి అనే చిత్ర యూనిట్ కూడా చేసినట్లు అనిపిస్తోంది. సినిమాలో ఒక్కప్పటి బి గ్రేడ్ స్టార్ మల్లు యాక్టర్ షకీలా సినిమాలో నటిస్తోన్న సంగతి తెలిసిందే. ఇది ఆమె 250వ సినిమాగా ప్రచారం చేయబడుతోంది. అయితే ట్రైలర్ లో ఎక్కువగా చెప్పుకోదగ్గ మ్యాటర్ ఏమి లేదు గాని కెమెరా యాంగిల్స్ తో మాత్రం కొంచెం భయపెట్టే ప్రయత్నం చేస్తున్నారు అనిపిస్తోంది.

మరొక ముఖ్యమైన విషయం ఏమిటంటే..కేరళలో జరిగిన యదార్ధ సంఘటన ఆధారంగా తీశారట. ఒక్క రాత్రిలో జరిగిన కథ అని తెలుస్తోంది. రియాలిటీగా చిత్రీకరించామని చిత్ర యూనిట్ చెబుతోంది. టీజర్ చివర్లో షకీలా కొంచెం భయంకర లుక్స్ ఇవ్వడంతో పరవాలేదు అనే విధంగా ఉంది. నటనపరంగా షకీలాకు మంచి పేరుంది. మరి సినిమాలో ఏ విధంగా ఉంటుంది అనేది రిలీజ్ తరువాత తెలుస్తుంది.