హ్యాట్రిక్‌ హీరోకు తొలి ఫ్లాప్‌ పడిందా?

వరుసగా మూడు సూపర్ హిట్లు, అందులో ఒకటి బ్లాక్ బస్టర్.. ఇదీ కొత్త కుర్రాడు రాజ్ తరుణ్ ఇప్పటివరకూ సాధించిన ఘనత. డిఫరెంట్ సబ్జెక్టులు సెలెక్ట్ చేసుకుంటూ తన ప్రయాణాన్ని కంటిన్యూ చేస్తున్న కుర్రాడికి.. ఫస్ట్ బ్రేక్ పడ్డట్టే ఉంది. వరుసగా నాలుగు హిట్లు కొట్టి టాలీవుడ్ లో చరిత్ర సృష్టించే ఛాన్స్ కష్టమే అంటున్నారు.

సీతమ్మ అందాలు రామయ్య సిత్రాలు అంటూ ఈ శుక్రవారం ప్రేక్షకుల ముందుకొచ్చాడు రాజ్ తరుణ్. ఎక్కడా పాజిటివ్ కూడా వినిపించడం లేదు. కామెడీ కాత్త బాగుండడంతో బిలో యావరేజ్‌ టాక్ నడుస్తోందని చెప్పడం. రొటీన్ కంటెంట్ ని మరీ రొటీన్ గా తీసేయడం ఎవరికీ కిక్ ఇవ్వలేకపోయింది. చాలాసార్లు జగపతి బాబు నటించిన పందెం - కబడ్డీ కబడ్డీ సినిమాలను గుర్తు చేస్తూ నడిపిన స్క్రీన్ ప్లే కూడా ఆకట్టుకోలేపోతోంది.

అయితే మూడు వరుస హిట్స్ కారణంగా తొలి రోజు కలెక్షన్స్ మాత్రం ఈ మూవీకి బాగానే వచ్చాయి. మొదటి రోజునే మూవీ హిట్టా - ఫ్లాపా అని డిసైడ్ చేయడం కష్టమే. ఎందుకంటే ఒక్కోసారి యావరేజ్ కంటెంట్ మూవీస్ కూడా ఊహించని విధంగా వసూళ్లు లాగేస్తుంటాయి. శని - ఆదివారాలు కూడా చెప్పుకోదగ్గ స్థాయిలోనే కలెక్షన్లు ఉండొచ్చు. సోమవారం కూడా ఇవి నిలబడితేనే, మూవీ హిట్ అయ్యే అవకాశాలున్నాయి. కాకపోతే రాజ్ తరుణ్ కి ఈ సారి హిట్ కొట్టడం అంత ఈజీ కాదు.