టాక్ నాట్ ఓకే.. బట్ కలెక్షన్లు కేకే

యంగ్ హీరో రాజ్ తరుణ్.. మూడు వరుస హిట్స్ తో మంచి స్పీడు మీదున్నాడు. హ్యాట్రిక్ హిట్స్ ఎఫెక్ట్.. కొత్త మూవీ సీతమ్మ అందాలు రామయ్య సిత్రాలుపై బాగానే కనిపించింది. విలేజ్ లవ్ స్టోరీగా తెరకెక్కిన ఈ సినిమాకి.. కొత్తగా ఏం లేదని, పాత సీన్స్ అన్నీ కలిపి కొట్టేశారనే టాక్ బాగా స్ప్రెడ్ అయింది.

టాక్ బిలో ఏవరేజ్ అన్నట్లుగా వచ్చినా, కలెక్షన్స్ విషయంలో మాత్రం రాజ్ తరుణ్ స్పీడ్ కనిపించింది. ఈ హీరో కెరీర్ లోనే అత్యధిక వసూళ్లు సాధించిన మూవీగా సీతమ్మ అందాలు రికార్డ్ సృష్టిస్తోంది. ఓ కొత్త హీరోకి ఈ రేంజ్ లో ఓపెనింగ్స్ రావడం ట్రేడ్ వర్గాలను కూడా ఆశ్చర్యపరుస్తోంది. కుమారి 21ఎఫ్ లాంటి బ్లాక్ బస్టర్ తర్వాత రావడం, ఇంకా ప్లస్ అయిందని అంటున్నారు. అన్నిటికీ మించి, థియేటర్లలో నాలుగు హిట్ సినిమాలు ఉన్నా.. కొత్తగా నాలుగు సినిమాలు రిలీజ్ అయినా.. అన్నింటి పోటీని తట్టుకుని భారీ వసూళ్లు రాబట్టడం గొప్ప విషయంగానే చెప్పాలి.

స్టోరీ, స్క్రీన్ ప్లే విషంలో కొత్తగా ఏమీ ఎటెంప్ట్ చేయకపోయినా.. కామెడీ వరకూ బాగానే పండించడం ఈ మూవీకి అడ్వాంటేజ్. అయితే హీరోయిన్ ఆర్తన విషయంలో మాత్రం పాజిటివ్ టాక్ ఏమాత్రం రావడం లేదు. కానీ పక్కింటి కుర్రాడిగాను, ఆవారాగా తిరిగే అబ్బాయిగానూ.. తన స్టైల్ మాడ్యులేషన్ తో మరోసారి ఆకట్టుకున్నాడు రాజ్ తరుణ్.