AA19 పాట‌ల వేట‌లో శాస్త్రి గారు

2019-20 మోస్ట్ అవైటెడ్ జాబితాలో స్టైలిష్ స్టార్ అల్లు అర్జున్ చేర‌తారా? ఏఏ19.. ఏఏ20.. ఏఏ 21 అంటూ వ‌రుస‌గా ప్ర‌క‌ట‌న‌లు వ‌చ్చేశాయి. ఏఏ 21 కి `ఐక‌న్` అనే టైటిల్ ని ప్ర‌క‌టించేశారు. ఆ క్ర‌మంలోనే త్రివిక్ర‌మ్ - సుకుమార్ ల‌తో సినిమాల‌కు ఎలాంటి టైటిల్స్ పెడ‌తారో అంటూ అభిమానుల్లో ఆసక్తిక‌ర డిడేబ్ మొద‌లైంది. దిల్ రాజు- వేణు శ్రీ‌రామ్ దూకుడు ముందు త్రివిక్ర‌మ్, సుకుమార్ టీమ్ లు సైతం ఝ‌ల‌క్ తిన్నాయి. దాంతో మ‌రోసారి సామాజిక మాధ్య‌మాల్లో బ‌న్ని ప్ర‌తి అప్ డేట్ చ‌ర్చ‌కు వ‌స్తున్నాయి.

ఇంత‌కీ బ‌న్ని - త్రివిక్ర‌మ్ సినిమా గురించి తాజా అప్ డేట్ ఏంటి? అంటే.. ఈ సినిమాకి సంబంధించి కొన్ని ఇంట్రెస్టింగ్ విష‌యాలు రివీల‌య్యాయి. ఇప్ప‌టికే మాట‌ల మాంత్రికుడి ఆస్థాన లిరిసిస్ట్ సిరివెన్నెల సీతారామ శాస్త్రి పాట‌ల ప‌ని మొద‌లెట్టేశార‌ట‌. జులాయి.. స‌న్నాఫ్ స‌త్య‌మూర్తి చిత్రాల‌కు బ్లాక్ బ‌స్ట‌ర్ పాట‌లు రాసిన శాస్త్రి గారు.. ఈసారి కూడా ప్రామిస్సింగ్ లిరిక్స్ ని డిజైన్ చేస్తున్నార‌ని తెలుస్తోంది. త్వ‌ర‌లోనే రికార్డింగ్ కార్య‌క్ర‌మాల అప్ డేట్ తెలుస్తుందిట‌. అన్న‌ట్టు ఈ చిత్రానికి సంగీత ద‌ర్శ‌కుడు ఎవ‌రు? అంటే.. దేవీశ్రీ‌, త‌మ‌న్ పేర్లు రేసులో వినిపించినా చివ‌రికి త‌మ‌న్ కే త్రివిక్ర‌ముడు ఛాన్సిచ్చారు. `అర‌వింద స‌మేత` త‌ర్వాత త‌మ‌న్ మ‌రోసారి త్రివిక్రమ్ తో క‌లిసి ప‌ని చేస్తున్నారు. ఆ మేర‌కు బ‌న్ని బ‌ర్త్ డే రోజున ట్వీట్ ద్వారా వివ‌రాల్ని అందించారు. ఈనెల 24 నుంచి రెగ్యుల‌ర్ చిత్రీక‌ర‌ణ‌ను ప్రారంభిస్తున్నామ‌ని టీమ్ వెల్ల‌డించింది. ప్ర‌స్తుతం త‌మ‌న్ బాణీల వేట‌లోనే ఉన్నార‌ట‌.

క‌థానాయిక ప‌రంగానూ స‌స్పెన్స్ వీడిపోయింద‌ని ఇటీవ‌ల ప్ర‌చార‌మైంది. తొలుత ముంబై గాళ్ కియ‌రా అద్వాణీ పేరు వినిపించినా చివ‌రికి త‌న ల‌క్కీ మ‌స్క‌ట్ అయిన అర‌వింద పాత్రధారి (అర‌వింద స‌మేత నాయిక‌) పూజా హెగ్డేకే త్రివిక్ర‌మ్ మ‌రోసారి ఛాన్సిచ్చారట‌. డీజే త‌ర్వాత రెండోసారి బ‌న్ని స‌ర‌స‌న పూజా ల‌క్కీ ఛాన్స్ కొట్టేసింద‌ని ప్ర‌చార‌మైంది. ఇద్ద‌ర‌మ్మాయిల‌తో ఫేం కేథ‌రిన్ కి ఛాన్సిచ్చార‌ని వేరొక వార్త వెలువ‌డింది. ఇక ఈ ఏఏ 19కి టైటిల్ ఏంటి? అంటే గ‌త కొంత‌కాలంగా `నాన్న .. నేను` అనే టైటిల్ ప్ర‌చారంలో ఉంది. త్రివిక్ర‌మ్ రాసుకున్న కథ‌కు యాప్ట్ టైటిల్ ఇదేన‌ని ప్ర‌చార‌మ‌వుతోంది. అయితే టైటిల్ ని - క‌థానాయిక‌ల వివ‌రాల్ని టీమ్ అధికారికంగా ప్ర‌క‌టించాల్సి ఉంది. గీతా ఆర్ట్స్ - హాసిని క్రియేష‌న్స్ సంయుక్తంగా ఈ చిత్రాన్ని నిర్మిస్తున్నాయి.