#ల‌వ్ స్టోరి.. పాట‌ల‌తోనే ఓపెనింగుల‌కు బాట వేశారు!

నాగ‌చైత‌న్య బ్యాక్ టు బ్యాక్ విజయాల్ని ఖాతాలో వేసుకోవాల‌ని ఉవ్విళ్లూరుతున్నాడు. ఇంత‌కుముందు శివ నిర్వాణ అత‌డికి మ‌జిలీ లాంటి బ్లాక్ బస్ట‌ర్ ని ఇచ్చాడు. ఆ సినిమా మ్యూజిక‌ల్ గానూ చార్ట్ బ‌స్ట‌ర్ల‌లోకి వెళ్లింది. ఇప్పుడు శేఖ‌ర్ క‌మ్ముల చైతూకి మ‌రో బ్లాక్ బ‌స్ట‌ర్ ని అందించ‌డం ఖాయం అన్న టాక్ వినిపిస్తోంది.

చైత‌న్య‌- సాయి ప‌ల్ల‌వి-క‌మ్ముల కాంబినేష‌న్ పెద్ద‌గానే వ‌ర్క‌వుట‌వుతోంద‌ని ఇప్ప‌టికి పాజిటివ్ ఫీల‌ర్స్ క‌నిపిస్తున్నాయి. సారంగ‌ద‌రియా .. సాంగ్ రిలీజ్ తోనే ఒక్క‌సారిగా హైప్ పెరిగింది. ల‌వ్ స్టోరీకి బిజినెస్ వ‌ర్గాల్లో టాక్ బావుంది. అలాగే ఈ చిత్రానికి భారీ ఓపెనింగ్స్ రావ‌డం ఖాయంగానే క‌నిపిస్తోంద‌న్న గుస‌గుసా వినిపిస్తోంది.

ఈ సినిమా ఆల్బమ్ నుంచి విడుద‌ల‌వుతున్న ప్ర‌తి సాంగ్ మంచి బ‌జ్ క్రియేట్ చేస్తున్నాయి. ఆడియో హిట్ అయితే నేడు జ‌నాలు థియేట‌ర్స్ కి వ‌చ్చేస్తున్నారు. ఇంత‌కుముందు మంచి పాట‌ల‌తోనే ఉప్పెన కు ఊపొచ్చింది. ఆ త‌ర్వాత వ‌స్తున్న ల‌వ్ స్టోరికి పాట‌లే పెద్ద ప్ల‌స్ కానున్నాయ‌ని అంచ‌నా. ఇక క‌థ‌-క‌థ‌నం గ్రిప్పింగ్ గా ఆక‌ట్టుకుంటే క‌మ్ముల సెన్సిబిలిటీస్ మ‌రోసారి క‌నెక్ట‌యితే క‌చ్ఛితంగా ఓపెనింగుల‌కు కొద‌వ ఉండ‌ద‌ని బ్లాక్ బ‌స్ట‌ర్ ఖాయ‌మ‌ని ఇన్ సైడ్ టాక్ వినిపిస్తోంది.