హిట్టు హీరోని పట్టిన కమ్ముల

సినిమా ఇండస్ట్రీలో ప్రతి దర్శకుడికి ఒక్కో విజన్ ఉంటుంది. అయితే రెగ్యులర్ కమర్షియల్ సినిమాలను తీసే దర్శకులలో కొందరి ఆలోచన టేకింగ్ ఒకే విధంగా ఉంటుంది. కానీ శేఖర్ కమ్ముల లాంటి విజన్ ఎవరికీ ఉండదు అనేది వాస్తవం. సినిమా షూటింగ్ ఎండ్ అయ్యే వరకు తెలీదు. అసలు ఆ సినిమా ఎలా ఉంటుంది అనేది. టాలీవుడ్ లో శేఖర్ కమ్ముల తన వరకు ఓ వర్గం అభిమానులను అలా సైడ్ కి పెట్టుకున్నాడు.

కొన్నేళ్ల వరకు అపజయాలతో సతమతమైన ఈ దర్శకుడు గత ఏడాది ఫిదా సినిమాతో మళ్లీ సెట్ అయ్యాడు. ఇక అసలు విషయానికి వస్తే.. ఫిదా తరువాత అభిమానుల నుంచి కమ్ములకు ప్రెజర్ చాలా పెరిగిపోయింది. నెక్స్ట్ సినిమా ఎప్పుడు అని సోషల్ మీడియాలో ఒకటే గోల చేస్తున్నారు. అయితే ప్రస్తుతం స్క్రిప్ట్ దశలో ఉన్నట్లు హ్యాపీ డేస్ దర్శకుడు ప్రతి సారి మ్యానేజ్ చేసుకుంటూ వస్తున్నాడు. అయితే రీసెంట్ గా కమ్ముల నానిని కలిసినట్లు తెలుస్తోంది.

దర్శకుడు చెప్పిన లైన్ నానికి నచ్చేయడంతో పాజిటివ్ గా రెస్పాండ్ అయినట్లు తెలుస్తోంది. ఫైనల్ స్క్రిప్ట్ పూర్తవ్వగానే మరొకసారి కలవడానికి డిసైడ్ అయ్యారట. ఈ సరికొత్త ప్రాజెక్టును దిల్ రాజు నిర్మించడానికి సిద్ధంగా ఉన్నాడు. ప్రస్తుతం నాని కృష్ణార్జున యుద్ధం సినిమా షూటింగ్ తో బిజీగా ఉన్నాడు. అలాగే నాగార్జున మల్టి స్టారర్ కూడా త్వరలో స్టార్ట్ కానుంది. ఈ రెండు సినిమాల తరువాత శేఖర్ కమ్ముల ప్రాజెక్టు ఉండేలా నాని ప్లాన్ చేసుకుంటున్నట్లు టాక్.