చైతు డ్యాన్స్ కు టెస్ట్ పెట్టిన కమ్ముల!

అక్కినేని నాగచైతన్య 'మజిలీ'.. 'వెంకీమామ' విజయాలతో ఫుల్ జోష్ లో ఉన్నాడు. వరసగా కొత్త ప్రాజెక్టులను లైన్ లో పెట్టాడు. వాటిలో శేఖర్ కమ్ముల దర్శకత్వంలో తెరకెక్కుతున్న సినిమా ఒకటి. #NC19 ఒక క్రేజీ కాంబినేషన్ అనే చెపాలి. 'ఫిదా' తర్వాత శేఖర్ కమ్ముల సినిమాలో మరోసారి సాయిపల్లవి హీరోయిన్ గా నటిస్తోంది. శేఖర్ కమ్ముల - నాగ చైతన్య కాంబినేషన్ మొదటిసారి. ఇక చైతు-సాయిపల్లవి జోడీ కట్టడం కూడా మొదటిసారి. దీంతో ఈ సినిమాపై ప్రేక్షకుల్లో ఆసక్తి నెలకొంది.

ఈ సినిమాలో నాగచైతన్య తన డ్యాన్స్ తో ప్రేక్షకులను మెప్పించేందుకు రెడీ అవుతున్నాడని సమాచారం. ఈ సినిమా ఒక లవ్ స్టోరీ అనేది తెలిసిందే. హీరో హీరోయిన్లు ఇద్దరూ ఒక డ్యాన్స్ కాంపిటీషన్లో కలుస్తారట.. అక్కడే ఒకరితో ఒకరు ప్రేమలో పడిపోతారట. ఈ ఎపిసోడ్ సినిమాకు కీలకం కాబట్టి చైతు తన డ్యాన్స్ తో ఇరగదీయాల్సి ఉంటుందని సమాచారం. సాయి పల్లవి ఓ బ్రిలియంట్ డ్యాన్సర్. ఆ విషయం అందరికీ తెలిసిందే. అలాంటి సాయిపల్లవితో పోటీ అంటే చైతుకు కష్టమే మరి.

చైతు డ్యాన్స్ యావరేజ్ గానే ఉంటుంది. తన కెరీర్లో ఎప్పుడూ డ్యాన్స్ విషయంలో చైతు మెరుపులు మెరిపించలేదు. కానీ ఈసారి మాత్రం రెగ్యులర్ డ్యాన్స్ తో వర్క్ అవుట్ అయ్యేలా లేదని.. అక్కినేని వారు స్టెప్పులతో గత్తర రేపాల్సిన సమయం వచ్చిందని అంటున్నారు. చైతు ఈ ఛాలెంజిని ఎలా అధిగమిస్తాడో.. శేఖర్ కమ్ముల ఈ విషయంలో చైతుకు ఎలా మద్దతునిస్తారో వేచి చూడాలి.