శేఖర్‌ కమ్ములతో నైజాం సునీల్‌ ప్లాన్స్‌

ఈమద్య కాలంలో నైజాం ఏరియాలో దాదాపు స్టార్‌ హీరోల సినిమాలన్నీ కూడా ఆసియన్‌ డిస్ట్రిబ్యూషన్‌ సంస్థ కొనుగోలు చేస్తున్న విషయం తెల్సిందే. నైజాం ఏరియాలో పలు సూపర్‌ హిట్‌ చిత్రాలను పంపిణీ చేసిన ఆసియన్‌ సంస్థ సునీల్‌ నిర్మాణంలోకి అడుగు పెట్టేందుకు ఉవ్విల్లూరుతున్నాడు. చాలా రోజులుగా ఈయన సినిమాలను నిర్మించేందుకు ప్రయత్నాలు చేస్తూనే ఉన్నాడు. ఇప్పటికే పలువురు దర్శకులకు మరియు నటీనటులకు అడ్వాన్స్‌ లు కూడా ఇచ్చినట్లుగా సినీ వర్గాల ద్వారా సమాచారం అందుతుంది. భారీ చిత్రాలతో పాటు చిన్న చిత్రాలను కూడా నిర్మించాలని ఆసియన్‌ సునీల్‌ ప్రయత్నాలు చేస్తున్నాడు.

దర్శకుడు చందు మొండేటి మరియు హీరో నిఖిల్‌ లతో ఒక చిత్రాన్ని చేయాలని ఆసియన్‌ సునీల్‌ భావించాడు. అయితే ఆ సినిమా కాస్త సమయం పట్టే అవకాశం ఉందని తెలుస్తోంది. వీరిద్దరితో కంటే ముందు శేఖర్‌ కమ్ములతో ఒక చిత్రాన్ని నిర్మించేందుకు ఆసియన్‌ సునీల్‌ ప్రయత్నాలు చేస్తున్నట్లుగా సమాచారం అందుతుంది. శేఖర్‌ కమ్ముల కథ - స్క్రీన్‌ ప్లే - దర్శకత్వంలో ఒక చిత్రంకు రంగం సిద్దం అవుతుంది.

ఫిదా తర్వాత శేఖర్‌ కమ్ముల రెడీ చేసుకున్న స్క్రిప్ట్‌ కు సునీల్‌ ఓకే చెప్పినట్లుగా సమాచారం అందుతుంది. త్వరలోనే శేఖర్‌ కమ్ముల దర్శకత్వంలో యంగ్‌ హీరో మరియు హీరోయిన్‌ తో ఆసియన్‌ సునీల్‌ సినిమా నిర్మాణంకు ఏర్పాట్లు చేస్తున్నాడు. ఈ చిత్రంపై అతి త్వరలోనే క్లారిటీ వచ్చే అవకాశం ఉంది. మరో వైపు మహేష్‌ బాబు - సందీప్‌ రెడ్డి వంగల కాంబినేషన్‌ లో కూడా ఒక చిత్రంను ఆసియన్‌ సునీల్‌ నిర్మించనున్నాడని తెలుస్తోంది. మొత్తానికి పెద్దా - చిన్నా చిత్రాలతో ఆసియన్‌ సునీల్‌ టాలీవుడ్‌ లో బిజీ నిర్మాతగా మారిపోవడం ఖాయం అంటూ సినీ వర్గాల్లో టాక్‌ వినిపిస్తుంది.