నాయకి-రాజా క్యాష్ చేసుకుంటారా?

సూపర్ స్టార్ రజినీకాంత్ మూవీ కబాలి జూలై 15కు విడుదల కావడం లేదనే మాట ఇప్పుడు అధికారికమే. జూలై 22 అనీ.. 29 అనీ ఇలా డేట్ విషయంలో తమిళ నిర్మాతలు చర్చించుకుంటూనే ఉన్నారు. ఇలా కబాలి జూలై 15 ను్చి పోస్ట్ పోన్ అవడంతో.. ఆ గ్యాప్ ని ఫిల్ చేసేందుకు చిన్న సినిమాలు గట్టిగానే ట్రై చేస్తున్నాడు. ముందుగా అయితే.. ఈ డేట్ కి సెల్ఫీ రాజా కర్చీఫ్ వేసేశాడు. ఇప్పుడు త్రిష నాయకిని కూడా అదే రోజుకు విడుదల చేయాలని నిర్ణయించినట్లు తెలుస్తోంది.

నిజానికి జూలై 8నే నాయకి రిలీజ్ కావాల్సి ఉంది. తొలిసారిగా త్రి నటించిన లేడీ ఓరియెంటెడ్ మూవీ కావడంతో ఇండస్ట్రీలో బజ్ కూడా బాగానే ఉంది. పైగా భయపెట్టే దెయ్యం సినిమాలు చాలానే చూసిన జనాలకు.. అందాలు ఆరబోసే దెయ్యాన్ని చూసే అవకాశం ఇస్తోంది నాయకి. ఈ డిఫరెంట్ కాన్సెప్ట్ పై ఆడియన్స్ లో కూడా ఆసక్తి ఉంది. సెన్సార్ కూడా పూర్తయిపోయిన ఈ సినిమాని జూలై 8నే విడుదల చేద్దామని అనుకున్నా.. కొన్ని సాంకేతిక కారణాలతో జూలై 15 కి వాయిదా వేసినట్లు చెబుతున్నారు.

కబాలి ఖాళీ చేసిన డేట్ ని ఇప్పటికైతే సెల్ఫీ రాజా.. నాయకిలు ఫిల్ చేస్తున్నాయి. వేరే పెద్ద చిత్రాలేవీ రిలీజ్ కి రెడీగా లేకపోవడం.. కనీసం రెండు వారాల పాటు థియేటర్లలో ఆడే ఛాన్స్ ఉండడంతో.. మంచి సినిమాలకైతే ఇది బ్రహ్మాండమైన అవకాశంగా చెప్పచ్చు. అసలు కబాలి కోసం వెనక్కి జరిగిన బాబు బంగారం ఈ రోజుకి రావాల్సి ఉన్నా.. ఇంకా కొంత షూటింగ్ వర్క్ పెండింగ్ లో ఉండడంతో.. వెంకీ ఈ డేట్ ని మిస్ అవుతున్నాడు.