సెల్ఫీ రాజా.. వెరైటీ పబ్లిసిటీ

ఇప్పటి వరకు ఆడియో ఫంక్షన్లను ఓకే చోట నిర్వహించి పాటల వేడుకను కంప్లీట్ చేయడం చూసుంటాం. ఇలా చేయడం వల్ల పాటల వేడుకకు ఓ సారి మాత్రమే పబ్లిసిటీ వస్తుంది. మరోవైపు చిత్ర యూనిట్ కు తగినంత సమయం వుండక పోవడం కూడా ఇలా విడుదల చేయడానికి ఓ కారణం. అయితే అల్లరి నరేష్.. సాక్షి చౌదరి జంటగా నటించిన సెల్ఫీ రాజా పాటలను మాత్రం ఓకే సారి కాకుండా... వివిధ ప్రాంతాల్లో ఓక్కోపాటను రిలీజ్ చేయడానికి ప్లాన్ చేసింది. తాజాగా హైదరాబాద్ లో ఫిలిం జర్నలిస్టుల చేతుల మీదుగా ఓ పాటను రిలీజ్ చేసిన చిత్ర బృందం.. ఈరోజు(8న) వైజాగ్ మరో పాటను రిలీజ్ చేయడానికి ప్లాన్ చేసింది.

అంతేనా... ఈనెల 9న ఏపీ రాజధాని కేంద్రం విజయవాడలోనూ.. 10వ తేదీన తెలంగాణలోని వరంగల్ జిల్లా కేంద్రంలోని ఏషియన్ శ్రీదేవీ మాల్ లో పాటలను విడుదల చేయడానికి ప్లాన్ చేసింది చిత్ర బృందం. ఇలా చేయడం వల్ల సినిమాకు స్థానికంగానూ మంచి పబ్లిసిటీ వస్తుందని భావిస్తున్నారు. చాలా కాలం తరువాత అల్లరి నరేష్ సెల్ఫీ రాజా మూవీతో ప్రేక్షకులను నవ్వించడానికి మన ముందుకొస్తున్నాడు. మరి ఇలా వేరు వేరు చోట్ల పాటలను విడుదల చేసి.. వెరైటీ పబ్లిసిటీని పొందడం వల్ల ఈ చిత్రం ఏమాత్రం లాభపడుతుందో చూడాలి. ఇప్పటికే కొన్ని ఏరియాల్లో మంచి ఫ్యాన్సీ నంబర్ కే ఈ చిత్రాన్ని అమ్మేసింది. మరికొన్ని ఏరియాల్లో సొంతంగా రిలీజ్ చేయడానికి ప్లాన్ చేస్తున్నారు. ఈనెల 15వ తేదీన ఈ చిత్రం ప్రేక్షకుల ముందుకు రానున్నది.