మై హు తేరా సెల్ఫీ రాజా..

టాలీవుడ్ కి అల్లరోడంటే అల్లరి నరేష్ మాత్రమే. ఒక్క సినిమాతో కామెడీతో టాలీవుడ్ కి కామెడీ హీరోగా ఫిక్స్ అయిపోయిన ఈ హీరో.. ఇప్పుడు 34 ఏళ్లు పూర్తి చేసేసుకున్నాడు. ఇండస్ట్రీలోకి 20ఏళ్లకే ఎంట్రీ ఇచ్చేసి.. మొదటి సినిమాతోనే కామెడీ సినిమాలకు కేరాఫ్ అడ్రస్ అయిపోయాడు. 2002లో అరంగేట్రం చేసిన అల్లరి నరేష్.. ఈ 14 ఏళ్లలో 50 సినమాల్లో హీరోగా నటించేశాడు. ఈ మధ్య ఫామ్ లో లేడు కానీ.. ఒక్కసారి గానీ ట్రాక్ లోకి వచ్చాడంటే.. మనోడి స్పీడ్ ని అందుకోవడం చాలా కష్టమైన విషయం.

మళ్లీ తన కామెడీ వైభవాన్ని అందుకునేందుకు ప్రస్తుతం సెల్ఫీరాజా అనే మూవీలో చేస్తున్నాడు అల్లరోడు. ఇప్పటికే రిలీజ్ అయిన ఫస్ట్ లుక్ - టీజర్ లకు మంచి రెస్పాన్స్ వచ్చింది. వన్ అండ్ ఓన్లీ సెల్ఫీ రాజా అంటూ నరేష్ చెప్పిన పంచ్ డైలాగ్స్ చాలామందికి నచ్చింది. ఇప్పుడు జూన్ 30న హీరో బర్త్ డే సందర్భంగా సెల్ఫీ రాజా యూనిట్ ఓ టీజర్ ని విడుదల చేసింది. 'మై హు తేరా సెల్ఫీ రాజా.. తుహీ మేరీ స్పైసీ రోజా' అంటూ సాగే పాటకు సాంగ్ ప్రోమో విడుదల అయింది.

స్టూడియోలో వేసిన పూల్ సెట్ లో సింపుల్ గా ఓ భారీ బైక్ ని తోలేస్తుంటాడు అల్లరి నరేష్. బైక్ ముందు చిన్న చిన్న బట్టలేసుకుని ఓ భామ పరిగెడుతూ ఉంటుంది. ఈమె పేరు కామ్నా రనావత్. హిందీ సీరియల్స్ లో కనిపించే ఈమెకు ఫాలోయింగ్ బాగానే ఉంది. సెల్ఫీ రాజాలో సాక్షి చౌదరి మెయిన్ హీరోయిన్ కగా.. కామ్నా రనావత్ సెకండ్ హీరోయిన్. అయినా సరే.. టైటిల్ సాంగ్ ఈమెకే ఇచ్చేయడం విశేషమే.