శింబుకి సినిమా క‌ష్టాలు తీర‌లేదింకా

ప్ర‌తి ఒక్క‌రి జీవితంలో శ‌ని ప్ర‌భావం ఏదో ఒక ద‌శ‌లో ఉంటుంద‌న్న‌ది జ‌గ‌మెరిగిన స‌త్యం. ఎంద‌రో సెల‌బ్రిటీల జీవితాలు అల్ల‌క‌ల్లోలం అయిన‌ప్పుడు శ‌ని గురించి విస్ర్త‌తంగా ప్ర‌చారంలోకి వ‌చ్చింది. అప్ప‌ట్లో టాలీవుడ్ హీరో సుమ‌న్ శ‌నిదేవుడు అనే సినిమాలో న‌టిస్తూ నా జీవితంలో శ‌ని ప్ర‌భావం వ‌క్ర ద‌శ‌లో కొన‌సాగింద‌ని ఓపెన్‌ గానే వాపోయారు. అయితే అదే శ‌ని ఇప్పుడు శింబు జీవితాన్ని కూడా అల్ల‌రిపెడుతోంది. జీవితం దేకించేస్తుంది అని పూరి జ‌గన్నాథ్ అంత‌టివాడే ప‌బ్లిక్‌ లో వాపోయాడు. మ‌రి శింబుకి అది మిన‌హాయింపు అని అనుకోలేం. ప్ర‌స్తుతం కోలీవుడ్ హీరోల్లో అత్యంత బ్యాడ్ ఫేజ్‌ ని ఎదుర్కొంటున్న ప్ర‌తిభావంతుడైన హీరో శింబు.

ఇటీవ‌లి కాలంలో అత‌డు న‌టించిన ఓ సినిమా రిలీజ్ క‌ష్టాల‌తో నానా అగ‌చాట్లు ప‌డ్డాడు. ఓ ద‌శ‌లో ప‌బ్లిక్ మీటింగుల్లోనే త‌న బ్యాడ్ సిట్యేయేష‌న్ గురించి చెప్పుకుని ఎమోష‌న్ అయిపోయాడు శింబు. కెరీర్ పోయింది, ప్రియురాలు వ‌దిలి వెళ్లిపోయింది అంటూ ఆవేద‌న చెందాడు. ఇప్పుడు మ‌రోసారి అలాంటి స‌న్నివేశ‌మే ఎదురైంది అత‌డికి. ఇప్ప‌టికే చాలా భాగం షూటింగ్‌ చేసిన కాన్ సినిమా అర్థాంత‌రంగా ఆగిపోయింది. ఈ చిత్రానికి ద‌ర్శ‌కుడు సెల్వ‌రాఘ‌వ‌న్. అత‌డి భార్య గీతాంజ‌లి నిర్మాత‌. గ్లో స్టూడియోస్ ప‌తాకంపై ఈ చిత్రాన్ని నిర్మిస్తున్నారు. అయితే ఆర్థిక స‌మ‌స్య‌ల వ‌ల్ల మ‌ధ్య‌లోనే ఈ సినిమా షూటింగుని నిలిచిపోయింద‌ని ప్ర‌చార‌మ‌వుతోంది. శింబు హీరోగా న‌టిస్తున్న ఈ చిత్రంలో తాప్సీ, క్యాథ‌రిన్ క‌థానాయిక‌లు, జ‌గ‌ప‌తిబాబు, సురేష్ కీల‌క‌పాత్ర‌లు పోషిస్తున్నారు. ఇప్ప‌టికైతే శింబు బ్యాడ్‌.