నోరు జారితే అంతే మ్యాడమ్‌

వార్తని గుప్పిట దాచిపట్టడం, డబ్బును వృదాగా ఖర్చు చేయకుండా దాచిపెట్టడం .. ఈ రెండూ చాలా కష్టమైనవి. వీటిపై పట్టు సంపాదిస్తేనే మోడ్రన్‌ లైఫ్‌ లో బతకగలిగేది. కానీ ఈ రెండిటిలో తాప్సీ ఫెయిలై పోతోంది. మేకప్‌, ట్రావెలింగ్‌ అంటూ ఓ వైపు భారీగా ఖర్చు చేసేస్తుంది. వృత్తి రీత్యా ఇది తప్పదులే అనుకుంటే వేరొక తప్పు చేసి అడ్డంగా దొరికిపోతోంది. ఈ అమ్మడు తాను నటిస్తున్న తాజా సినిమాకి సంబంధించిన ఓ కీలక సమాచారం లీక్‌ చేసి దర్శకుడిచేత క్లాస్‌ పీకించుకుంది. డీటెయిల్స్‌ లోకెళితే..

ప్రస్తుతం ధనుష్‌ హీరోగా సెల్వరాఘవన్‌ ఓ భారీ యాక్షన్‌ చిత్రం తెరకెక్కిస్తున్నాడు. కాన్‌ అనేది టైటిల్‌. తాప్సీ హీరోయిన్‌ గా నటిస్తోంది. ఇటీవలే తాప్సీ విలేకరులతో మాట్లాడుతూ కథ, క్యారెక్టర్‌ లు లీక్‌ చేసేసింది. ఇది రా వింగ్‌ కి చెందిన కథాంశం. ఇంటెలిజెన్స్‌ అధికారుల వేటకు సంబంధించినది. నేను ఓ ఇంటెలిజెన్స్‌ అధికారిగా నటిస్తున్నానని కల్మశం లేకుండా తాప్సీ చెప్పేసింది.

ఇది తెలిసిన దర్శకుడు వెంటనే తాప్సీ కి ఫోన్‌ చేసి సీరియస్‌ గా క్లాస్‌ పీకాడు. ఇలాంటివి చేస్తే కుదరదని వార్నింగ్‌ ఇచ్చాడట. అసలే ఇండస్ట్రీ అంతే గోలగోల. కాపీ క్యాట్‌ కథలు, కాపీ టైటిల్స్‌, కాపీ ట్యూన్స్‌, పోస్టర్స్‌ అంటూ నానా గడబిడ చేసేస్తున్నారు. ఇలాంటప్పుడు ఇలాంటివన్నీ లీక్‌ చేస్తే ఎలా? అని క్లాస్‌ తీసుకున్నాడట. పాపం తాప్సీ ఎంత చిన్నబుచ్చుకుందో?