ఆ హీరో అంటే హీరోయిన్స్ భయపడుతున్నారా..?

టాలీవుడ్ లో గత కొంతకాలంగా నటసింహం బాలకృష్ణ ఫ్యాన్స్ ని ప్లాప్ సినిమాలతో నిరాశపరుస్తున్నాడు. ఎన్టీఆర్ కథానాయకుడు, మహానాయకుడు మరియు రూలర్ సినిమాలు బాక్స్ ఆఫీస్ వద్ద బోల్తా కట్టాయి. ఇప్పుడు బాలకృష్ణ కి హిట్టు తప్పనిసరి అయిపొయింది. ప్రస్తుతం బాలయ్య బోయపాటి శ్రీను దర్శకత్వంలో ఓ సినిమా చేస్తున్నాడు. గతంలో వీరి కాంబినేషన్‌లో వచ్చిన సింహా, లెజెండ్‌ సినిమాలు మంచి విజయం సాధించటంతో ఈ సినిమాపైన భారీ అంచనాలు ఉన్నాయి. ఈ సినిమాని మిర్యాల రవీందర్ రెడ్డి నిర్మిస్తుండగా, తమన్ సంగీతం అందిస్తున్నాడు. ఈ సినిమాలో బాలయ్య రెండు విభిన్నమైన పాత్రలో కనిపించనున్నట్టు తెలుస్తోంది.

తాజాగా బాలయ్య-బోయపాటి సినిమాల గురించి ఒక వార్త సోషల్ మీడియాలో హల్చల్ చేస్తోంది. అదేంటంటే.. ఈ సినిమా మొదటి నుండి కూడా కొత్త హీరోయిన్ ని పరిచయం చేస్తాం అంటూ వస్తున్నాడు బోయపాటి. అయితే తాజా కథనాల ప్రకారం.. బాలయ్య బాబు పక్కన నటించడానికి ప్రస్తుత హీరోయిన్స్ ఎవరూ ముందుకు రావడం లేదట. బాలయ్య చాలా సీనియర్ హీరో అవడంతో ఆయనతో సినిమా చేస్తే వాళ్ల కెరీర్ ముగుస్తుందని భావిస్తున్నారట. అందుకోసమే కొత్త వాళ్ల కోసం వెతుకుతున్నారని వినికిడి. మరి హీరోయిన్స్ అంతా బాలయ్యతో అనేసరికి ముందుకు రాట్లేదంటే.. బాలయ్య అవుట్ డేటెడ్ అయినట్టేనా.. అన్నట్లు కథనాలు వినిపిస్తున్నాయి. ఇక డైరెక్టర్ బోయపాటి రీసెంట్ గా ఇద్దరు కొత్త హీరోయిన్లను సెలెక్ట్ చేసినట్లు తెలిపారు. చూడాలి మరి కొత్త హీరోయిన్స్ కెరీర్ కి బాలయ్య ఏ విధంగా హెల్ప్ అవుతాడో అంటున్నాయి ఫిల్మ్ నగర్ వర్గాలు.